21 جاستاعى نۇراي سەرىكبايدىڭ ولىمىنە قاتىستى ءىس بويىنشا جاڭا سوت تالقىلاۋى ءوتۋى مۇمكىن، دەپ حابارلايدى “ادىرنا”.
ءومىر بويىنا باس بوستاندىعىنان ايىرىلعان شەرحان ايماحاننىڭ قورعاۋشىلارى اپەللياتسيالىق شاعىم ءتۇسىردى.
بۇل تۋرالى جابىرلەنۋشى تاراپتىڭ ادۆوكاتى ايانحان وماروۆ حابارلادى.
ادۆوكاتتىڭ ايتۋىنشا، ەندى قىلمىستىق ءىستى اپەللياتسيالىق سوت قارايدى. ول شاعىممەن تانىسىپ، وعان قارسىلىق دايىندايتىنىن ايتتى.
«نۇرايدىڭ ءىسى بويىنشا سوتتالعان ايماحان شەرحاننىڭ قورعاۋشىلارى اپەللياتسيالىق شاعىم بەردى. ونىمەن تانىسىپ، قارسىلىق دايىندايمىن. ەندى ءىس اپەللياتسيالىق سوتتا قارالادى»، – دەپ جازدى ايانحان وماروۆ Threads جەلىسىندە.
قازىر قورعاۋ تاراپىنىڭ اپەللياتسيالىق شاعىمدا قانداي ۋاجدەر كەلتىرگەنى جانە سوتتان ناقتى قانداي شەشىم سۇراپ وتىرعانى ازىرگە بەلگىسىز.
ەسكە سالايىق، قايعىلى وقيعا 2026 جىلعى 11 قاڭتاردا شىمكەنت قالاسىندا بولعان. تەرگەۋ مالىمەتىنشە، 28 جاستاعى شەرحان ايماحان بۇعان دەيىن تانىس بولعان نۇراي سەرىكبايدى دۇكەن ماڭىندا كۇتىپ تۇرىپ، وعان بىرنەشە رەت پىشاق جاراقاتىن سالعان. قىز العان جاراقاتتارىنان كوز جۇمعان.
