رەسەي بيلىگىنىڭ ساياساتىن اشىق قولدايتىنىن ايتقان “اق جول” پارتياسىنىڭ بۇرىنعى دەپۋتاتى ازامات ابىلداەۆ رەسەي بيلىگىنىڭ شاشباۋىن كوتەرگەن “سولوۆەۆ Live” ارناسىنىڭ تىكەلەي ەفيرىندە قازاق بيلىگىن ءسوز ەتىپ، بوتاداي بوزدادى. قازاققا وكپەسى قارا قازانداي ازاماتتىڭ ايتۋىنشا پارتيانى ۇلتشىلار باسىپ العان، دەپ حابارلايدى “ادىرنا” ۇلتتىق پورتالى.
ء“بىر ۇرتى - ماي، ءبىر ۇرتى - قان” بولعان بۇرىنعى دەپۋتاتقا قازاقتىڭ قازاقتى ءسۇيۋى جاقپاي قالعان سياقتى. قىزمەتتەن كەتىپ، قارجىدان قاعىلعانى ءۇشىن قازاق ۇستانىمىنا شاعىم ايتىپ، دەپۋتات رەسەي ارناسىندا “بوتاداي بوزدادى”.
بۇل جايلى “Maitanov_online” تەلەگرام ارناسىندا جازىلدى. اۆتور بۇل جايتقا قاتىستى:
كورىپ وتىرعانىمىزداي بۇل ساتقىن تاۋبەسىنە كەلمەگەن. ءوزىن قازاق ەلىندەگى ورىسقا قارسى جۇرگىزىلىپ جاتقان جالاڭ قۇبىلىستىڭ قۇربان رەتىندە كورسەتىپ، ساياسي سايقالدىققا باستاپ وتىر. كۇنى ەرتەڭ ساتقىننىڭ “پۋتين، اسكەرىڭدى مۇندا اكەل” دەپ ايعايلايتىنىنا كۇمانىم جوق، - دەپ جازدى اۆتور.
ازامات ابىلداەۆتىڭ بۇل قىلىعىنا قاتىستى عالىم گۇلشات باقىتجان دا تومەندەگىدەي پىكىر ءبىلدىردى:
- وتباسى بولعان سوڭ شىنى-اياق شىلدىرلاماي تۇرمايدى عوي. باياعىدا، العاشقى جىلدارى ماماما جىلاي بەرەتىنمىن ءار ۇساق-تۇيەككە. ءۇشىنشى رەتتەن سوڭ ۇيالا باستادىم ءوزىمنىڭ تۋعان مامامنان. اقىماق بالالىقتان كەتىپ، ءوزىمدى شىن، جەكە وتباسىم بار ەرەسەك ادام رەتىندە سەزىنگەن شىعارمىن.
بىراق، كەيبىر "ەر ادامدار" بولادى ەكەن، ءتىپتى ولار بىلدەي ءبىر تاۋەلسىز مەملەكەتتىڭ زاڭ شىعارۋشى ورگانىندا وتىرسا دا، وزدەرىندە، وسىدان 15 جىل بۇرىنعى مەن قۇرلى مي جوق پا دەپ قالدىم... شىن ايتام، - دەپ جازدى عالىم.
View this post on Instagram
ەسكە تۇسىرە وتىرايىق، بۇرىنعى دەپۋتات رەسەي بيلىگىنىڭ قانتوگىسكە تولى ۇرىس ساياساتىن “ارنايى وپەراتسيا” دەپ باعالاپ، باسى داۋعا قالعان ەدى. ونىڭ قازاقشىل ەمەس، ورىسشىل مۇددەسىنە قاتىستى ەتيكالىق كەڭەس ۇيىمداستىرىلىپ، سوڭىندا ازامات ابىلداەۆ پارتيا قاتارىنان شىعارىلعان ەدى.
“ادىرنا” ۇلتتىق پورتالى
