Halyk Bank Euromoney Awards for Excellence 2025 باسىلىمىنىڭ «قازاقستاننىڭ ۇزدىك بانكى» نوميناتسياسى بويىنشا تاعى دا جەڭىمپازى اتاندى.
مۇنداي باسىلىمنىڭ جوعارى باعالاپ، زور قۇرمەت تانىتۋى بانكتىڭ وراسان جەتىستىكتەرى جەمىسىنىڭ ياعني، اتاپ ايساق، رەكوردتىق قارجىلىق كورسەتكىشتەرىنىڭ، تسيفرلىق سەرۆيستەردىڭ سەرپىندى ورلەپ ءوسۋىنىڭ جانە تۇراقتى ءارى بەرىك دامۋ سالاسىنداعى تاباندىلىعى مەن كوشباسشىلىعىنىڭ ايقىن ايعاعى.
«وتكەن جىلى Halyk Bank نەگىزگى قارجىلىق كورسەتكىشتەر بويىنشا ەلەۋلى ناتيجەلەر كورسەتتى: تازا پايدا جىلدىق ماندە 32,8%-عا ۇلعايسا، تازا پايىزدىق كىرىس 39%-عا ءوستى. جيىنتىق اكتيۆتەر جىل باسىنان بەرى 19,7%-عا، كرەديتتىك پورتفەل، نەتتو - 23,5%-عا، دەپوزيتتەر كولەمى - 18,9%-عا ءوستى»، - دەدى Euromoney ساراپشىلارى.
باسىلىم سونىمەن قاتار بانكتىڭ ESG سالاسىنداعى جەتەكشى پوزيتسيالارىنا توقتالا كەتىپ، Halyk Bank قازاقستاننىڭ جاسىل وبليگاتسيالار شىعارعان العاشقى كوممەرتسيالىق بانكى اتانعاندىعىن ايرىقشا اتاپ ءوتتى.
اسىرەسە، قارقىنى زور تەحنولوگيالىق ترانسفورماتسياعا اسا نازار اۋدارىلدى: «Halyk Bank eGov ارقىلى 52 مەملەكەتتىك كورسەتىلەتىن قىزمەتتى ىسكە قوسىپ، ناتيجەسىندە ونلاين رەجيمىندە ۇسىنىلاتىن مەملەكەتتىك كورسەتىلەتىن قىزمەتتەر سانى بويىنشا بانكتەر مەن سىرتقى پلاتفورمالار اراسىندا كوشباسشى بولدى. تسيفرلىق ستراتەگيانىڭ جەتىستىگىن وپەراتسيالاردىڭ مىناداي اۋقىمى ايعاقتاي تۇسەدى: وتكەن جىلى Halyk Super App ارقىلى 16,2 ترلن تەڭگە سوماعا ترانزاكتسيالار وڭدەلدى».
«Euromoney بەدەلدى باسىلىمىنىڭ Halyk Bank-ءتىڭ ءتورتىنشى جىل قاتارىنان جەتىستىكتەرىن اتاپ ءوتۋى ءبىزدىڭ كوماندا ءۇشىن مەرەيلى مارتەبە. ابىرويىمىزدى اسپانداتقان بۇل ماراپات ايرىقشا ماڭىزعا يە، سەبەبى باسەكەلەستىك بەلەڭ العان كەزەڭدە، جاھاندىق ەكونوميكالىق جانە ساۋدا قاتىناستارىنىڭ قۇبىلمالى ۋاقىتىندا، شەشىمدەردىڭ تەحنولوگيالىق ترانسفورماتسيالار جانە جاساندى ينتەللەكت نەگىزىندە كوزدى اشىپ جۇمعانشا تەز تارالۋ جاعدايىندا ءبىزدىڭ قىزمەتىمىز بەن ەرەن ەڭبەگىمىزدىڭ وسىنداي جوعارى باعاعا يە بولۋى ۇلكەن قۇرمەت. بۇل رەتتە ءبىز جاي پوزيتسيانى ساقتاپ قانا قويماي، قازاقستاننىڭ بانك سەكتورىنىڭ ۇيلەستىرۋشى كوشباسشىسىنا اينالىپ، نەگىزگى باعىتتار بويىنشا بەرىك تە سەنىمدى ءوسۋ مەن وركەندەۋدىڭ نىشانى بولدىق. بۇل پروتسەستەردى ۇنەمى جەتىلدىرىپ جانە ۋاقتىلى يننوۆاتسيالاردى ەنگىزىپ وتىرۋدى تالاپ ەتەتىن قيساپسىز ەڭبەك ەكەندىگىن بەلگىلى. وسىنداي قاجىرلى ەڭبەگىمىزدىڭ حالىقارالىق قارجى قوعامداستىعىنىڭ مويىنداۋىنا يە بولعانىنا قۋانىشتىمىز»، - دەپ ءتۇسىندىردى Halyk Bank باسقارما ءتورايىمى ءۇمىت شاياحمەتوۆا.
1992 جىلى قۇرىلعان Euromoney Awards for Excellence الەمدىك بانك يندۋسترياسىنداعى ەڭ بەدەلدى ناگرادالاردىڭ ءبىرى بولىپ سانالادى. كونكۋرسقا جىل سايىن 100-دەن استام ەلدەن 600-دەن استام بانك قاتىسادى، وسى باسىلىمدى بۇل ءۇردىس ساپانى باعالاۋ سالاسىنداعى ەڭ ءىرى جانە ىقپالدى باعدارلامالار اراسىندا بەدەلىن بيىكتەتىپ كەلەدى.
Halyk Bank تۋرالى
Halyk Bank – جەكە جانە زاڭدى تۇلعالارعا بانكتىك قىزمەتتەردىڭ تولىق سپەكترىن ۇسىناتىن، قازاقستاننىڭ عاسىردان استام تەرەڭ تاريحى بار سان سالالى بانكى.
«قازاقستان حالىق بانكى» اكتسيونەرلىك قوعامى (Halyk Bank) – قازاقستاننىڭ عاسىردان استام تەرەڭ تاريحى بار سان سالالى بانكى.
Halyk Bank – قازاقستاننىڭ ەڭ ءىرى بانكى. 2025 جىلعى 31 ناۋرىزداعى جاعداي بويىنشا ونىڭ اكتيۆتەرى شامامەن 18,9 ترلن تەڭگەنى قۇرادى. بانك كوممەرتسيالىق بانكتەر تاراپىنان كرەديتتەۋدىڭ جيىنتىق كولەمىنىڭ 53%-ىن قامتاماسىز ەتە وتىرىپ، ەكونوميكانىڭ ناقتى سەكتورىن كرەديتتەۋدە شەشۋشى ءرول اتقارىپ كەلەدى. Halyk سونىمەن قاتار ەلدەگى ەڭ اۋقىمدى كليەنتتىك بازا مەن تارماقتالعان فيليالدىق جەلىگە يە بانك.
بانك 1998 جىلدان باستاپ قازاقستان قور بيرجاسىندا (KASE), 2006 جىلدان باستاپ لوندون قور بيرجاسىندا (LSE) جانە 2019 جىلدان باستاپ استانا حالىقارالىق بيرجاسىندا (AIX) ليستينگتەلگەن.
Halyk Group - قازاقستاندا، وزبەكستاندا جانە گرۋزيادا جۇمىس ىستەيتىن سان سالالى قارجى توبى. ىرگەلى قارجى توبى جەكە تۇلعالارعا، كورپوراتيۆتىك كليەنتتەرگە جانە شاعىن، ورتا بيزنەس سۋبەكتىلەرىنە بانكتىك قىزمەت، ساقتاندىرۋ، ليزينگ، بروكەرلىك قىزمەت كورسەتىپ، اكتيۆتەردى باسقارۋ جانە لايفستايل-سەرۆيستەر سالالارىندا كورسەتىلەتىن قىزمەتتەردىڭ كەڭ سپەكترىن ۇسىنادى.
تسيفرلىق ترانسفورماتسيانىڭ كوشباسشىسى رەتىندە Halyk Bank ءوزىنىڭ ەكوجۇيەسىن قارقىندى دامىتىپ، جەتىلدىلىپ كەلەدى. قازىرگى كۇنى قارجىلىق قىزمەتتەردىڭ كوپشىلىگى بانكتىڭ تسيفرلىق ارنالارى ارقىلى ۇسىنىلادى. Halyk ەكوجۇيەسىنە ويىن-ساۋىق، تۋريزم جانە ەلەكتروندىق كوممەرتسيا قىزمەتتەرى كىرەدى. سونىمەن قاتار، كليەنتتەر Halyk ءموبيلدى قوسىمشاسى ارقىلى ۇلكەن سۇرانىسقا يە 70 مەملەكەتتىك كورەتىلەتىن قىزمەتتى پايدالانۋ مۇمكىندىگىنە يە ەكەندىگىن اتاپ وتكەنىمىز ابزال.
Halyk Bank-ءتىڭ بەرىك سەنىمدىلىگى مەن تۇراقتىلىعىن مىناداي جەتەكشى حالىقارالىق رەيتينگتىك اگەنتتىكتەردىڭ ينۆەستيتسيالىق دەڭگەيدەگى رەيتينگتەرى راستاي ءتۇستى:
- Moody’s Investors Service - Baa1 (بولجام-باعالاۋى: تۇراقتى);
- Standard & Poor’s - BBB- (بولجام-باعالاۋى: تۇراقتى);
- Fitch Ratings - BBB- (بولجام-باعالاۋى: تۇراقتى).
بانك تۋرالى www.halykbank.kz سايتىنان تولىعىراق بىلە الاسىز.
