قازاقستان مۇنايىن قارا تەڭىز ارقىلى ەكسپورتتاۋ توقتاتىلعان جوق. بۇل تۋرالى ەنەرگەتيكا مينيسترلىگى ايتتى، دەپ حابارلايدى «ادىرنا» ءتىلشىسى.
“قازىرگى تاڭدا قازاقستاندىق مۇنايدى رەسەي فەدەراتسياسىنىڭ تەڭىز پورتتارى ارقىلى تاسىمالداۋ توقتاتىلعان جوق. ۋست-لۋگا پورتىنداعى جاعداي بويىنشا كولىك ينفراقۇرىلىمى وبەكتىسىنىڭ قورعانىسىن ارتتىرۋ ماقساتىندا قوسىمشا شارالار ەنگىزىلدى. وسىعان بايلانىستى "قازترانسويل" نەۆسكايا قۇبىر كومپانياسىمەن كەلىسسوزدەر جۇرگىزىپ جاتىر", - دەپ ءتۇسىندىردى مينيسترلىك.
ەسكە سالايىق، بۇعان دەيىن Reuters اگەنتتىگى رەسەي بيلىگى ەنگىزگەن جاڭا ەرەجەلەرگە بايلانىستى قازاقستان مۇنايىن قارا تەڭىز ارقىلى ەكسپورتتاۋ ۋاقىتشا توقتاتىلعانىن جازعان ەدى.
ۇقساس جاڭالىقتار
