قر پرەزيدەنتى جانىنداعى وكق-دا وتكەن بريفينگتە قورعانىس ءمينيسترىنىڭ ورىنباسارى دارحان احمەديەۆ جاس ساربازداردىڭ نە سەبەپتى سۋيتسيدكە باراتىنىنا توقتالدى، دەپ جازادى "ادىرنا" ۇلتتىق پورتالى.
"قولىمدا ستاتيستيكا بار. ەلىمىزدە وسى جىلدىڭ 5 ايىندا 4318 ادام ءوز-وزىنە قول سالعان. ونىڭ ىشىندە قارۋلى كۇشتەرگە جاتاتىنى - 4 ادام. 4 جاعداي بويىنشا ەكەۋىنە – تۇرمىستىق الەۋمەتتىك جاعداي سەبەپ بولعان. قالعان ەكەۋىنە قاتىستى تەرگەۋ شارالارى جۇرگىزىلىپ جاتىر. بىزگە اسكەري قىزمەتكە 18 جاستاعى جاستار كەلەدى. ولاردىڭ موينىندا 9 ملن تەڭگە نەسيەسى تۇرادى. وسىنداي الەۋمەتتىك جاعدايلار سەبەپتەردىڭ ءبىرى بولۋى مۇمكىن. ءار جاعدايدى جەكە قاراستىرۋ كەرەك. سۋيتسيدكە ءدال وسى جايت سەبەپ بولدى دەپ بىردەڭە دەۋ قيىن", - دەيدى دارحان احمەديەۆ.
"ادىرنا" ۇلتتىق پورتالى
