بۇگىن پرەزيدەنت قاسىم-جومارت توقاەۆ وڭتۇستىك كورەيا رەسپۋبليكاسىنىڭ جاڭا پرەزيدەنتى لي چجە ميونمەن تەلەفون ارقىلى سويلەستى، دەپ حابارلايدى "ادىرنا" ۇلتتىق پورتالى.
«اڭگىمە بارىسىندا مەملەكەت باسشىلارى قازاق-كورەي كوپجاقتى قارىم-قاتىناستارىنىڭ ودان ءارى دامۋىنا نيەتتى ەكەندەرىن راستادى. ونەركاسىپ، ەنەرگەتيكا، اۆتوكولىك جاساۋ، ءبىلىم بەرۋ جانە مەديتسينا سالالارىنداعى قازىرگى جانە كەلەشەكتەگى جوبالاردى ءتيىمدى جۇزەگە اسىرۋدىڭ ماڭىزدىلىعى اتاپ ءوتىلدى»، – دەپ جازدى اقوردانىڭ ءباسپاسوز قىزمەتى.
سونداي-اق، لي چجە ميون قاسىم-جومارت توقاەۆتى وڭتۇستىك كورەياعا رەسمي ساپارمەن كەلۋگە شاقىردى. قازاقستان پرەزيدەنتى بۇل شاقىرتۋدى قابىل الىپ، 2026 جىلى سەۋلدە وتەتىن «ورتالىق ازيا – كورەيا رەسپۋبليكاسى» فورۋمىنا قاتىسۋعا دايىن ەكەنىن راستادى.
ايتا كەتەيىك، لي چجە ميون 2025 جىلدىڭ 4 ماۋسىمىندا وڭتۇستىك كورەيا رەسپۋبليكاسىنىڭ پرەزيدەنتى اتاندى.
بۇل ەلدە 2024 جىلدىڭ جەلتوقسانىندا اسكەري جاعداي ەنگىزىلىپ، ەلدىڭ بۇرىنعى پرەزيدەنتى يۋن سوك يولگە يمپيچمەنت جاريالانعان ەدى.
