الماتىنىڭ كەي بولىگىندە سۋىق سۋ ۋاقىتشا بولمايدى

الماتىنىڭ 3 اۋدانىندا ۋاقىتشا سۋىق سۋ بولمايدى. بۇل تۋرالى "الماتى سۋ" مەكەمەسى جازدى، دەپ حابارلايدى “ادىرنا”.

سۋ قۇبىرى جۇيەسىنە جاڭا ينجەنەرلىك جەلىلەردى قوسۋ جۇمىستارىنا بايلانىستى 24 شىلدە ساعات 09:00–دەن 20:00–گە دەيىن الماتىنىڭ كەي بولىگىندە سۋىق سۋ بەرۋ ۋاقىتشا توقتاتىلادى.

جوسپارلى جۇمىستار جۇرگىزىلەتىن كەزەڭدە كەلەسى اۋدانداردا سۋىق سۋ ۋاقىتشا توقتاتىلادى:

بوستاندىق اۋدانى: ساين — اسقاروۆ — المەرەك — ازامات — سادىقوۆ كوشەلەرى شەڭبەرىندە. ونىڭ ىشىندە: "ميراس", "دارىن" شاعىن اۋداندارى جانە دولينا روز، سولنەچنايا دولينا، كۋنبەل، Hyde Park, Presidents Park, Miras Park تۇرعىن ءۇي كەشەندەرى.

ناۋرىزباي اۋدانى: اسقاروۆ — كەنەسارى حان — قارعالى وزەنى — نوۆايا كوشەلەرى شەكاراسىندا. ونىڭ ىشىندە: "قارعالى", "قۇرامىس", "راحات" شاعىن اۋداندارى جانە اسقار تاۋ، حان ءتاڭىرى، Bella Villa, Nef Up Town تۇرعىن ءۇي كەشەندەرى.

اۋەزوۆ اۋدانى: "تاۋگۇل-3" شاعىن اۋدانى، التىن قارعالى شيپاجايى.

"قۇرىلىس-مونتاجداۋ جۇمىستارى اياقتالعاننان كەيىن سۋ بىرتىندەپ، جابدىقتى تەكسەرىپ، رەتتەۋ جۇمىستارىنان كەيىن قايتا قوسىلادى. ۋاقىتشا قولايسىزدىقتارعا تۇسىنىستىكپەن قاراۋلارىڭىزدى سۇرايمىز", – دەلىنگەن حابارلامادا.