2025 جىلدىڭ العاشقى جارتىجىلدىعىندا رەسپۋبليكالىق بيۋدجەتتەن زەينەتاقى تولەمدەرىنە 2 ترلن 98,6 ملرد تەڭگە ءبولىندى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگى ايتتى، دەپ حابارلايدى «ادىرنا» ءتىلشىسى.
مينيسترلىك مالىمەتىنشە، جالپى سومانىڭ 678,7 ملرد تەڭگەسى بازالىق زەينەتاقى تولەمدەرىنە، ال 1 ترلن 419,9 ملرد تەڭگەسى ىنتىماقتى زەينەتاقىعا جۇمسالعان.
1 شىلدەدەگى جاعداي بويىنشا قازاقستانداعى زەينەتكەرلەر سانى 2 ملن 489 مىڭ ادامدى قۇرايدى. ورتاشا جيىنتىق زەينەتاقى مولشەرى 143 529 تەڭگە بولعان. ونىڭ ىشىندە ىنتىماقتى زەينەتاقى مولشەرى – 95 912 تەڭگە، بازالىق زەينەتاقى مولشەرى – 47 617 تەڭگە.
«2025 جىلعى 1 قاڭتاردا بازالىق زەينەتاقى تولەمىنىڭ مولشەرى قر ۇلتتىق بانكى ايقىندايتىن ينفلياتسيانىڭ بولجامدى دەڭگەيىنە سايكەس 6,5%-عا، ىنتىماقتى زەينەتاقى 8,5%-عا، ياعني ينفلياتسيا دەڭگەيىنەن 2% - عا وزا وتىرىپ ۇلعايتىلدى. بۇدان باسقا مەملەكەت باسشىسىنىڭ تاپسىرماسى بويىنشا 2023 جىلدان باستاپ بەس جىل ىشىندە ەڭ تومەن بازالىق زەينەتاقىنى ەڭ تومەن كۇنكورىس دەڭگەيىنىڭ 70%-نا دەيىن، ەڭ جوعارى – 120%-عا دەيىن جىل سايىن كەزەڭ-كەزەڭىمەن ارتتىرۋ جۇزەگە اسىرىلادى»،—دەلىنگەن حابارلامادا.
ايتا كەتەيىك، 2018 جىلعى 1 شىلدەدەن باستاپ مەملەكەتتىك بازالىق زەينەتاقى تولەمى زەينەتاقى جۇيەسىندەگى ءوتىلىن ەسكەرە وتىرىپ، ءار الۋشىعا جەكە تاعايىندالادى.
