اقتوبەدە ەگدە جاستاعى قاريا ۋنيۆەرسيتەت قابىرعاسىندا ءبىلىم الىپ ءجۇر، دەپ حابارلايدى "ادىرنا" ءتىلشىسى ەۋرازيا ءبىرىنشى ارناسىنا سىلتەپ.
83 جاستاعى زەينەتكەر - زاۋزا مولداباەۆا.
ول 40 جىل عۇمىرىن مەديتسينا سالاسىندا وتكىزگەن. زەينەتكەر تەمىر اۋدانىندا تەراپەۆت دارىگەر بولىپ ەڭبەك ەتىپ، كەيىن باسشىلىق قىزمەتتى دە اتقارعان.
بۇگىندە نەمەرە ءسۇيىپ، "اقشاشتى اجە" اتانعان زەينەتكەر “كۇمىس” ۋنيۆەرسيتەت جوباسى بويىنشا ءبىلىم الۋدا. ىزدەنىستى جانى سۇيەتىن ايەل باعدارلاما تۋرالى عالامتوردان وقىپ، بىلگەن ەكەن.
“مۇنىڭ ىشىندە اعىلشىن ءتىلىن دە ۇيرەتەدى ەكەن. ايەلدەردى تىگۋگە بەيىمدەيتىن بولەك ءبولىم بار. سودان كەيىن قازىرگى IT كومپيۋتەرلىك جۇمىستاردى دا ۇيرەتەدى. شەتەلدەردە اقپارات جۇيەسى وتە دامىپ كەتتى. ەندى ءبىز سودان قالماۋىمىز كەرەك. سوعان ىلەسۋىمىز كەرەك”، – دەدى زاۋزا مولداباەۆا.
80-نەن اسقان ايەل قازاق تىلىمەن شەكتەلمەي، اعىلشىندى دا ۇيرەنۋ كەرەك دەپ سانايدى.
“شەتەلدىكتەردىڭ بەرىپ جاتقان اقپاراتتىڭ ماڭىزى قانداي، ونىڭ بىزگە پايداسى بار ما؟ سونى ءتۇسىنۋ ءۇشىن اعىلشىن ءتىلىن وقۋعا كىرىسىپ جاتىرمىن. مىسالى to be دەگەن قازاقشا “بولۋ” دەگەن ءسوز. مەنىڭ بولۋىم كەرەك. مەن دەگەن ءسوز I'm.”، – دەدى ول.
قوعامعا ارالاسىپ، بەلسەندى ءومىر ءسۇرۋدى تاڭدايتىن كەيۋانا قالاداعى ەرىكتىنىڭ ءبىرى.
"زەينەتكە شىقسام دا، قوعامدىق جۇمىستارعا ارالاسۋدى توقتاتپادىم. قالامىزداعى ۆولونتەرلىق ۇيىمنىڭ مۇشەسىمىن. قالانى اباتتاندىرۋ، كوشەت وتىرعىزۋ، تازالىقتى ساقتاۋ جۇمىستارىنا اتسالىسامىن. ءماشھۇر ءجۇسىپ كوپەيۇلى «مەن ايتپاسام بىلگەنىمدى. سەن جازباساڭ كورگەنىڭدى، ۇرپاعىڭ قايدان بىلەر ءومىر سۇرگەنىڭدى» دەگەن ەكەن. وسى قاعيدا – مەنىڭ ومىرلىك ۇستانىمىم", - دەيدى زاۋزا اجەي.
