اباي وبلىسى ماقانشى اۋدانى الاكول كولىندە تۋريستەر مىنگەن كاتاماران ىستەن شىقتى. بۇل تۋرالى بۇگىن، 10 شىلدەدە توتەنشە جاعدايلار مينيسترلىگى ايتتى، دەپ حابارلايدى "ادىرنا" ءتىلشىسى.
پاترۋلدەۋ كەزىندە قۇتقارۋشىلار جاعالاۋدان 350 مەتر قاشىقتىقتا 6 ادام وتىرعان سىنىپ قالعان كاتاماراندى بايقاعان. قۇتقارۋشىلار دەرەۋ ارەكەت ەتىپ، كاتاماراندى سۇيرەپ، جاعاعا امان-ەسەن جەتكىزگەن.
«جاسوسپىرىمدەر مەديتسينالىق كومەككە مۇقتاج بولمادى. بەلگىلى بولعانداي كاتاماراننىڭ رۋلدىك باسقارۋى بۇزىلعان»،—دەپ ءتۇسىندىردى مينيسترلىك.
تجم سۋ قويمالارىندا قاۋىپسىزدىك ەرەجەلەرىن ساقتاۋعا شاقىرادى.
ۇقساس جاڭالىقتار
