رەسەيدىڭ زابايكالە ولكەسىندە جەڭىل موتورلى ان-2 ۇشاعى اپاتتى جاعدايدا قوندى، دەپ حابارلايدى «ادىرنا» ءتىلشىسى.
ولكە گۋبەرناتورى الەكساندر ءوسيپوۆتىڭ ايتۋىنشا، 10 ادام زارداپ شەككەن.
«ۇشاق بورتىندا بارلىعى 11 ادام، ون ءپاراشيۋتشى مەن ءبىر ەكيپاج مۇشەسى بولعان. ولاردىڭ بارلىعى دا — تاجىريبەلى ماماندار. ءبىر ادام وقيعا ورنىندا دارىگەرلىك كومەك الىپ، اۋرۋحاناعا جاتۋدان باس تارتتى. ءۇش ادامنىڭ جاعدايى — اۋىر, قالعاندارىنىڭ جاعدايى ورتاشا اۋىر دەپ باعالاندى»،—دەپ ءتۇسىندىردى ول.
شىعىس ءسىبىر كولىك پروكۋراتۋراسى وقيعاعا قوزعالتقىشتىڭ اقاۋى سەبەپ بولعانىن مالىمدەدى. قازىرگى تاڭدا بۇل وقيعا بويىنشا تەكسەرۋ جۇمىستارى جۇرگىزىلىپ جاتىر.
ۇقساس جاڭالىقتار
