قازاقستان ەنەرگەتيكا مينيسترلىگى جەرورتا تەڭىزىندە، ليۆيا جاعالاۋىندا جارىلعان تانكەر بورتىندا قازاقستان مۇنايى بار دەگەن اقپاراتتى جوققا شىعاردى، دەپ حابارلايدى “ادىرنا” ۇلتتىق پورتالى قازتاگ اگەنتتىگىنە سىلتەپ.
«ليۆيا جاعالاۋىندا تانكەردىڭ جارىلۋى تۋرالى بۇقارالىق اقپارات قۇرالدارىندا تاراعان مالىمەتتەرگە بايلانىستى، اتالعان تانكەردە قازاقستاندىق مۇناي بولعان دەگەن دەرەككە قاتىستى تومەندەگىنى حابارلايمىز. ينتسيدەنت جەكە مەنشىك تانكەردە ورىن العان، ونىڭ سوڭعى جۇكتەمەسى ليۆيا پورتتارىنىڭ بىرىندە جۇزەگە اسىرىلعان. اپات كەزىندە تانكەردە قازاقستاندىق مۇناي بولعانى تۋرالى اقپارات شىندىققا سايكەس كەلمەيدى»، – دەپ مالىمدەدى سەيسەنبى كۇنى ەنەرگەتيكا مينيسترلىگىنىڭ ءباسپاسوز قىزمەتى.
بۇعان دەيىن جەرورتا تەڭىزىندە تانكەردىڭ جارىلۋى تۋرالى اقپاراتتى بىرنەشە باق تاراتقان بولاتىن. وندا جارىلعان تانكەر بۇعان دەيىن قازاقستاندىق مۇنايدى تاسىمالداعانى ايتىلعان.
