27 ماۋسىم كۇنى سوچيدەگى حالىقارالىق اۋەجايدا Utair جانە NordStar اۋە كومپانيالارىنا تيەسىلى ەكى جولاۋشىلار ۇشاعى سوقتىعىستى، دەپ حابارلايدى "ادىرنا" ۇلتتىق پورتالى.
بۇل تۋرالى اۋەجايدىڭ ءباسپاسوز قىزمەتى حابارلادى.
وقيعا تۇمەنگە باعىت العان ۇشاقتىڭ ۇشۋ-قونۋ جولاعىنا بەت العان ساتىندە ورىن العان. اتالعان ۇشاق نوريلسكىدەن جاڭا عانا كەلگەن ەكىنشى ۇشاقپەن رۋلەج جولىندا جاناسقان. تەرگەۋ ورگاندارىنىڭ مالىمەتىنشە، ءبىر ۇشاق قاناتىمەن ەكىنشىسىنىڭ قۇيرىق بولىگىن زاقىمداعان.
بورتتا بولعان جولاۋشىلار مەن ەكيپاج مۇشەلەرى زارداپ شەككەن جوق. ۇشاقتارعا كەلتىرىلگەن زاقىم شامالى جانە تەحنيكالىق تۇرعىدا قالپىنا كەلتىرۋگە بولادى.
Utair جانە NordStar اۆياكومپانيالارى ءوز رەيستەرىن رەزەرۆتىك ۇشاقتارمەن ورىندايدى.
سوچي–ماسكەۋ باعىتىنداعى تي401 رەيسى (NordStar) 03:30-عا جوسپارلانسا، سوچي–تيۋمەن باعىتىنداعى UT514 رەيسى (Utair) 23:00-دە ۇشادى.
قازىرگى ۋاقىتتا جولاۋشىلارعا اۋەجايدا قىزمەت كورسەتىلىپ جاتىر. وقيعاعا بايلانىستى الدىن الا تەرگەۋ جۇمىستارى باستالدى. سوچي كولىك پروكۋراتۋراسى اۋە قاۋىپسىزدىگى ەرەجەلەرىنىڭ ساقتالۋىن تەكسەرەتىن بولادى.
