رەسەي پرەزيدەنتى ۆلاديمير پۋتين ماسكەۋدىڭ ۋكراينامەن اراداعى كەلىسسوزدىڭ ءۇشىنشى راۋندىنا دايىن ەكەنىن مالىمدەدى. بۇل تۋرالى RBC جاريالادى، دەپ حابارلايدى "ادىرنا".
«جالپى ءبىز وعان دايىنبىز. وتەتىن ورنى مەن ۋاقىتىن بەلگىلەۋ كەرەك»، – دەپ مالىمدەگەن پۋتين.
ءپۋتيننىڭ ايتۋىنشا، كەلىسسوزدەردىڭ ءۇشىنشى راۋندىندا رەسەي مەن ۋكراينانىڭ جانجالدى رەتتەۋ جونىندەگى مەموراندۋم جوباسى تالقىلانۋى ءتيىس.
ايتا كەتسەك، بۇعان دەيىنگى ەكى كەزدەسۋ ىستانبۇل قالاسىندا وتكەن. ەكىنشىسىنە ۋكراينا پرەزيدەنتى ۆلاديمير زەلەنسكي بارعان، بىراق رەسەي دەلەگاتسياسىمەن كەلىسسوزگە كىرمەگەن.
ءبىر اپتا بۇرىن رەسەي پرەزيدەنتى ۋكراينا پرەزيدەنتىمەن كەزدەسۋگە دايىن ەكەنىن ايتقان.
ۇقساس جاڭالىقتار
