بۇگىن زەرەندى اۋىلىندا زاڭسىز شەتەلگە شىعارىلعان اكتيۆتەردى قايتارۋ بويىنشا ارنايى مەملەكەتتىك قور قاراجاتى ەسەبىنەن جاڭا بالالار مەن جاسوسپىرىمدەر سپورت مەكتەبى اشىلدى. بۇل — ەلىمىزدە قايتارىلعان اكتيۆتەر ەسەبىنەن سالىنعان العاشقى الەۋمەتتىك نىسان.
–قۇنى 2,1 ملرد تەڭگەنى قۇرايتىن جوبانىڭ جۇزەگە اسۋى – مەملەكەت باسشىسىنىڭ الەۋمەتتىك ماڭىزى بار ينفراقۇرىلىمدى دامىتۋ جونىندەگى تاپسىرماسىنىڭ ناتيجەسى، دەپ حابارلايدى ىشكى ساياسات باسقارماسى.
مەكتەپتىڭ اشىلۋ سالتاناتىنا قر باس پروكۋرورى بەرىك اسىلوۆ، اقمولا وبلىسىنىڭ اكىمى مارات احمەتجانوۆ جانە اۋىل تۇرعىندارى قاتىستى.
سپورت مەكتەبى رەكوردتىق قىسقا مەرزىمدە – التى ايدا سالىنىپ ءبىتتى. سپورت كەشەنىنىڭ جالپى اۋماعى 6 مىڭ شارشى مەتردەن اسادى، ءبىر اۋىسىمدا 90-عا جۋىق بالانى قابىلداي الادى.
اتالعان نىساننىڭ پايدالانۋعا بەرىلۋى ءوڭىر حالقىنىڭ دەنە شىنىقتىرۋ جانە سپورتپەن اينالىسۋ مۇمكىندىگىن ەداۋىر ارتتىرماق.
