قازاقستاندا مەرزىمىنەن بۇرىن پارلامەنت سايلاۋى وتپەيدى. بۇل تۋرالى بۇگىن، 26 ماۋسىمدا سەنات توراعاسى ماۋلەن اشىمباەۆ ايتتى، دەپ حابارلايدى «ادىرنا» ءتىلشىسى.
«پارلامەنت زاڭنامالىق كۇن تارتىبىنە سايكەس جۇمىس ىستەپ جاتىر. قازىر ءبىز اسا ماڭىزدى زاڭداردى قاراپ جاتىرمىز. سوندىقتان مەرزىمىنەن بۇرىن سايلاۋ وتەدى دەۋگە نەگىز جوق»،—دەدى ول ءماجىلىس كۋلۋارىندا.
ايتا كەتەيىك، قازىرگى پارلامەنت 2023 جىلى كوكتەمدە جاساقتالعان بولاتىن. قازاقستان پارلامەنتىنىڭ مەرزىمى — 5 جىل.
مەملەكەت باسشىسى قاسىم-جومارت توقاەۆ قاڭتاردا «Ana tili» گازەتىنە بەرگەن سۇحباتىندا «پارلامەنت سايلاۋى مەرزىمىنەن بۇرىن بولادى» دەگەن بولجامدار بار ەكەنىن ايتقان ەدى.
«بۇل اقپارات ادەيى تاراتىلىپ جاتىر دەپ ويلايمىن. ءبىزدىڭ ەلدە جاڭا ۇكىمەت جۇمىسىنا كىرىسكەن بەتتە ونىڭ وتستاۆكاعا كەتەتىنى تۋرالى اڭگىمە تارايدى. پارلامەنت تۋرالى دا ءدال سولاي دەۋگە بولادى. مەنىڭشە، پارلامەنت سايلاۋىن مەرزىمىنەن بۇرىن وتكىزۋگە ازىرگە ەش نەگىز جوق. سايلاۋ زاڭدا بەلگىلەنگەن مەرزىمدەرگە سايكەس وتەدى»،—دەگەن بولاتىن پرەزيدەنت.
