سىرتقى ىستەر مينيسترلىگىنىڭ رەسمي وكىلى ايبەك سمادياروۆ رەسەيدى ابىگەرگە سالعان پيلوتسىز ۇشاتىن اپپاراتتار قازاقستان اۋماعىنان ۇشىرىلدى دەگەنگە ساياتىن الىپ-قاشپا اڭگىمەلەرگە جاۋاپ بەردى، دەپ حابارلايدى "ادىرنا"
"قازاقستان اۋماعىنان رەسەيگە قاراي پيلوتسىز ۇشاتىن اپپاراتتار جىبەرىلىپ جاتقانى تۋرالى مالىمەتتەر شىندىققا جاناسپايدى", - دەدى ول كەزەكتى بريفينگىدە.
ايبەك سمادياروۆ مۇنداي وقيعالاردىڭ ءبارى قۇزىرەتتى ورگانداردىڭ ءجىتى باقىلاۋىندا ەكەنىن ەسكە سالدى.
"بۇل جەردە تەحنيكالىق سيپاتتاعى ماسەلەلەر بويىنشا قورعانىس مينيسترلىگىنە جۇگىنۋ كەرەك", - دەدى ءسىم رەسمي وكىلى.
بۇعان دەيىن پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين يران-يزرايل تەكەتىرەسىنىڭ قازاقستاننىڭ سىرتقى ساۋداسىنا قالاي اسەر ەتىپ جاتقانىن ايتقان بولاتىن.
