مەملەكەت باسشىسى قاسىم-جومارت توقاەۆ پوليتسيا قىزمەتكەرلەرى مەن مەملەكەتتىك قىزمەتشىلەردى كاسىبي مەيرامدارىمەن قۇتتىقتادى، دەپ حابارلايدى «ادىرنا» ءتىلشىسى.
«بۇگىن ەلىمىزدە – پوليتسيا كۇنى جانە مەملەكەتتىك قىزمەتشى كۇنى اتالىپ وتۋدە. سوندىقتان، الدىمەن، ەلىمىزدەگى پوليتسيا قىزمەتكەرلەرى مەن مەملەكەتتىك قىزمەتشىلەردى كاسىبي مەيرامدارىمەن قۇتتىقتايمىن. مەملەكەتكە قىزمەت ەتۋ – ەڭ قۇرمەتتى ءارى اسا جاۋاپتى مىندەت. سىزدەر زاڭ مەن ءتارتىپتى ساقتاۋعا جانە ازاماتتاردىڭ قۇقىعىن قورعاۋعا زور ۇلەس قوسىپ جۇرسىزدەر»،—دەدى ول قۇقىق قورعاۋ ورگاندارىنىڭ كەڭەيتىلگەن القا ماجىلىسىندە.
ايتۋىنشا، مەملەكەت قۇقىق قورعاۋ جۇيەسىن جەتىلدىرۋگە جانە زاڭ مەن ءتارتىپ ورناتۋعا ەرەكشە ءمان بەرىپ كەلەدى.
«وسى باعىتتا ناقتى ناتيجەگە قول جەتكىزدىك. 2019 جىلدان بەرى قىلمىستىق قۇقىقبۇزۋشىلىق سانى شامامەن ەكى ەسە ازايدى. سونىڭ ىشىندە قاراقشىلىق، توناۋ، ۇرلىق پەن بۇزاقىلىق دەڭگەيى 4 ەسە تومەندەدى، ال كىسى ولتىرۋگە قاتىستى قىلمىستار 30 پايىزعا كەمىدى. قوعامدىق ورىندارداعى قىلمىس سانى 80 پايىزعا ازايدى. بۇل – ازاماتتارىمىز كوشەدە ەشتەڭەدەن قاۋىپتەنبەي، الاڭسىز جۇرە الادى دەگەن ءسوز»،—دەدى پرەزيدەنت.
