استانادا اپاتقا ۇشىراعان ۇشاق اەرودرومدا ساقتاۋ ماقساتىندا تۇرعان، دەپ حابارلايدى "ادىرنا" ۇلتتىق پورتالى.
بۇل تۋرالى «اۆياتسيالىق وقۋ ورتالىعى» جشس-ءنىڭ ءباسپاسوز قىزمەتى مالىمدەدى.
«جولامان اەرودرومى ماڭىندا اپاتقا ۇشىراعان UP LA 161 تيپىندەگى اۋە كەمەسى كومپانياعا تيەسىلى ەمەس. اتالعان اۋە كەمەسى اەرودروم اۋماعىندا تەك ساقتاۋ تۋرالى كەلىسىمشارت نەگىزىندە ورنالاستىرىلعان. كەلىسىم ونىڭ يەسى قاسەنوۆ ا.ق. مەن اەرودروم اكىمشىلىگى اراسىندا جاسالعان»، - دەلىنگەن رەسمي حابارلامادا.
كومپانيا بۇل ۇشاققا وپەراتسيالىق نەمەسە تەحنيكالىق باقىلاۋ جۇرگىزبەگەنىن اتاپ ءوتتى.
«ۇشۋعا دايىندىق پەن بريفينگكە ءوتىنىش بەرۋ سياقتى بارلىق ۇشۋعا دەيىنگى ارەكەتتەردى ۇشقىش ءوز بەتىمەن ورىنداعان»، - دەيدى كومپانيا وكىلدەرى.
سونىمەن قاتار، ۇشاق بورتىندا بولعانداردىڭ ءبىرى «اۆياتسيالىق وقۋ ورتالىعىنىڭ» قىزمەتكەرى ەكەنى ناقتىلاندى. ول بۇل ۇشۋعا جۇمىس مىندەتىنەن تىس، جەكە باستاماسىمەن قاتىسقان.
«ۇشۋ اۋە كەمەسىنىڭ يەسىنىڭ باستاماسىمەن جۇزەگە اسىرىلدى جانە كومپانيانىڭ وپەراتسيالىق قىزمەتىنە ەش قاتىسى جوق. «اۆياتسيالىق وقۋ ورتالىعى» جشس قازا تاپقانداردىڭ وتباسى مەن جاقىندارىنا شىن كوڭىلدەن كوڭىل ايتادى»، - دەلىنگەن حابارلامادا.
ەسكە سالساق، بۇعان دەيىن استانادا جولامان اەرودرومى ماڭىندا جەڭىل موتورلى ۇشاق قۇلاپ، ەكى ادام قازا تاپقانى حابارلانعان بولاتىن.
