استانا پوليتسەيلەرى ەكى قاراقشىنى ۇستادى. بۇل تۋرالى ەلوردالىق پوليتسيا دەپارتامەنتىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
مالىمەت بويىنشا، ساۋران كوشەسىندەگى حوستەلدە رەسەي ازاماتتارى سوققىعا جىعىلىپ، تونالعانى بەلگىلى بولدى.
"وقيعا ورنىنا كەلگەن پوليتسيا قىزمەتكەرلەرى حوستەل قوناقتارى اراسىنداعى جانجال الكوگولدىك ىشىمدىك ءىشۋ سالدارىنان بولعانىن انىقتادى. تۇرعىندار اراسىندا توبەلەس شىققان، ونىڭ ىشىندە ەكى رەسەي ازاماتى دا بار. ميگرانتتاردى ۇرىپ-سوعىپ، ۇيالى تەلەفونى مەن اقشاسىن تارتىپ العان", - دەدى استانا قالالىق پوليتسيا دەپارتامەنتى وكىلدەرى.
سونداي-اق، پوليتسەيلەر بۇعان دەيىن شىعىس قازاقستان مەن سولتۇستىك قازاقستاننىڭ ەكى تۇرعىنىن ۇستاعان، ولاردىڭ ءبىرى بۇرىن بىرنەشە رەت سوتتالعان.
"كۇدىكتىلەرگە قاتىستى "قاراقشىلىق" بابى بويىنشا سوتالدى تەرگەۋ امالدارى جۇرگىزىلىپ جاتىر، زاتتاي ايعاقتار تاركىلەندى، قازىرگى ۋاقىتتا كۇدىكتىلەر كىناسىن مويىنداپ، پد ۋاقىتشا ۇستاۋ يزولياتورىنا قامالدى.
استانا پوليتسيا دەپارتامەنتى ەسكەرتەدى: ەگەر سىزگە قاتىستى زاڭسىز ارەكەتتەر جاسالعان بولسا، دەرەۋ 102 ارناسى ارقىلى پوليتسياعا حابارلاۋىڭىز قاجەت", - دەلىنگەن استانا پوليتسياسى تاراتقان حابارلامادا.
