1 ماۋسىم – «بالالاردى قورعاۋ كۇنى» مەملەكەتتىك مەرەكەگە اينالۋى مۇمكىن. بۇل تۋرالى ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا ءماجىلىس دەپۋتاتتارىنىڭ ساۋالىنا بەرگەن جاۋابىندا ايتتى، دەپ حابارلايدى «ادىرنا» ءتىلشىسى.
ول بالالار ءۇشىن بۇل كۇننىڭ دەمالىستىڭ باستالۋىمەن، دەمالۋ، كوڭىل كوتەرۋ، قىزىقتى ىستەرمەن اينالىسۋ مۇمكىندىگىمەن بايلانىستىرىلاتىنىن اتاپ ءوتتى.
ء"داستۇر بويىنشا 1 ماۋسىمدا اتا-انالار بالالاردى اتتراكتسيوندار ساياباعىنا، ويىن ورتالىقتارىنا سەرۋەندەۋگە اپارادى جانە جالپى مەرەكەلىك كوڭىل-كۇيدى ۇيىمداستىرادى. اتالعان مەرەكە اتا-انالار مەن بالالارعا بىرلەسىپ ۋاقىت وتكىزۋگە، مادەني، تاربيەلىك جانە قوعامدىق ءىس-شارالارعا قاتىسۋعا مۇمكىندىك بەرەدى. بۇل بالانىڭ جاقسى پسيحوەموتسيونالدى جاعدايدا وتباسىنىڭ جانىندا تولىق قاۋىپسىزدىكتى سەزىنۋىنە اسەرىن تيگىزەدى. جوعارىدا ايتىلعانداردىڭ نەگىزىندە، سونىمەن قاتار ەلىمىزدە وتباسى ينستيتۋتى مەن وتباسىلىق قۇندىلىقتاردى نىعايتۋ ماقساتىندا 1 ماۋسىم – «بالالاردى قورعاۋ كۇنىن» مەملەكەتتىك مەرەكە رەتىندە بەلگىلەۋدى مۇمكىن دەپ سانايمىز",-دەدى سۆەتلانا جاقىپوۆا.
ايتا كەتەيىك، ەلىمىزدە مەملەكەتتىك مەرەكەلەردە دەمالىس جاريالانادى.
