1 mausym – «Balalardy qorǧau künı» memlekettık merekege ainaluy mümkın. Būl turaly Eŋbek jäne halyqty äleumettık qorǧau ministrı Svetlana Jaqypova mäjılıs deputattarynyŋ saualyna bergen jauabynda aitty, dep habarlaidy «Adyrna» tılşısı.
Ol balalar üşın būl künnıŋ demalystyŋ bastaluymen, demalu, köŋıl köteru, qyzyqty ıstermen ainalysu mümkındıgımen bailanystyrylatynyn atap öttı.
"Dästür boiynşa 1 mausymda ata-analar balalardy attraksiondar saiabaǧyna, oiyn ortalyqtaryna seruendeuge aparady jäne jalpy merekelık köŋıl-küidı ūiymdastyrady. Atalǧan mereke ata-analar men balalarǧa bırlesıp uaqyt ötkızuge, mädeni, tärbielık jäne qoǧamdyq ıs-şaralarǧa qatysuǧa mümkındık beredı. Būl balanyŋ jaqsy psihoemosionaldy jaǧdaida otbasynyŋ janynda tolyq qauıpsızdıktı sezınuıne äserın tigızedı. Joǧaryda aitylǧandardyŋ negızınde, sonymen qatar elımızde otbasy instituty men otbasylyq qūndylyqtardy nyǧaitu maqsatynda 1 mausym – «Balalardy qorǧau künın» memlekettık mereke retınde belgıleudı mümkın dep sanaimyz",-dedı Svetlana Jaqypova.
Aita keteiık, elımızde memlekettık merekelerde demalys jariialanady.
