يران مەملەكەتىندە 5 كۇننەن بەرى نوسەر جاڭبىر توقتاماي، ءوز زاردابىن تيگىزۋدە، دەپ حابارلايدى “ادىرنا” ۇلتتىق پورتالى. بۇل تۋرالى جانىبەك كوپجاسار ءوز facebook پاراقشاسىندا جازدى.
ول ءوز جازباسىندا يراندا سوڭعى بەس كۇن بويى نوسەر توقتاماي، 12 ادامنىڭ قازاسىنا اكەپ سوققانىن مالىمدەدى.
“يراندا سوڭعى 5 كۇن بويى نوسەر تولاستاماي، سەل ءجۇرىپ جاتىر. تەگەراندا 7 ادام، زاحەداندا 5 ادام ولگەن. 45 ادام ءىز-ءتۇسسىز جوعالعان، ىزدەپ جاتىر. تەگەران، يازد، سيستان مەن بەلۋجەستان، حورموزگان، كەرمان، فارس، بۋشەر وبلىستارىندا ۇيلەردى سۋ اعىزىپ، اۋىل شارۋاشىلىعىنا وتە كوپ شىعىن كەلدى.
يراندا سوڭعى بىرنەشە جىل قۇرعاقشىلىق بولىپ، ءبىر تامشى جاۋىن تامباي قويعان. ەل باسشىلىعى "ايەلدەر حيدجابتى دۇرىس كيمەگەندىكتەن، قۇدايدىڭ قاھارىنا ۇشىرادىق" دەپ ايەلدەردى حيدجابتى دۇرىس كيۋگە شاقىرعان. بۇل اپاتتى دا سولاي سيپاتتايدى-اۋ...”،- دەپ جازدى ول.
“ادىرنا” ۇلتتىق پورتالى
