Iran memleketinde 5 kúnnen beri nóser jańbyr toqtamaı, óz zardabyn tıgizýde, dep habarlaıdy “Adyrna” ulttyq portaly. Bul týraly Jánibek Kópjasar óz facebook paraqshasynda jazdy.
Ol óz jazbasynda Iranda sońǵy bes kún boıy nóser toqtamaı, 12 adamnyń qazasyna ákep soqqanyn málimdedi.
“Iranda sońǵy 5 kún boıy nóser tolastamaı, sel júrip jatyr. Tegeranda 7 adam, Zahedanda 5 adam ólgen. 45 adam iz-tússiz joǵalǵan, izdep jatyr. Tegeran, Iazd, Sıstan men Belýjestan, Hormozgan, Kerman, Fars, Býsher oblystarynda úılerdi sý aǵyzyp, aýyl sharýashylyǵyna óte kóp shyǵyn keldi.
Iranda sońǵy birneshe jyl qurǵaqshylyq bolyp, bir tamshy jaýyn tambaı qoıǵan. El basshylyǵy "áıelder hıdjabty durys kımegendikten, Qudaıdyń qaharyna ushyradyq" dep áıelderdi hıdjabty durys kııýge shaqyrǵan. Bul apatty da solaı sıpattaıdy-aý...”,- dep jazdy ol.
“Adyrna” ulttyq portaly
