«Kelyn-Kazharm» جشس فارماتسەپتيكالىق ءونىم شىعاراتىن كاسىپ ورىن الماتى وبلىسى قاراساي اۋدانىندا ورنالاسقان. ورتا ازياداعى ەڭ ءىرى ءوندىرىس وشاعى 2014 جىلدان بەرى جۇمىس ىستەيدى. قازىرگى تاڭدا جىلىنا 140 ملن. ءدارى قۇيىلعان شىنى قۇتى شىعارۋعا قاۋقارلى.
«Kelyn-Kazharm» زاۋىتىندا نەگىزىنەن پوليپروپيلەن قاپشىعىنا قۇيىلعان ينفۋزيالىق ەرىتىندىلەر مەن شىنى قۇتىلار جانە پوليپروپيلەن امپۋلالارىنداعى ينەكتسيالىق ەرىتىندىلەردى وندىرەدى. الداعى ۋاقىتتا ليوفيلەندىرىلگەن ۇنتاق پەن انتيبيوتيكتەر جانە ءتۇرلى ىسىككە قارسى پرەپاراتتار شىعارۋ قولعا الىنباق. وندىرىسكە قاجەتتى شيكىزات ازىرگە سينگاپۋردان جەتكىزىلۋدە. دارىلىك پرەپاراتتاردىڭ ساپاسى جاپونيا مەن سينگاپۋردا شىعارىلعان زاماناۋي قوندىرعىلار ورناتىلعان زەرتحانالاردا تەكسەرىلۋدە.
اۋداندىق كاسىپكەرلىك ءبولىمىنىڭ باسشىسى عازيز مالدىباەۆتىڭ ايتۋىنشا، «Kelyn-Kazharm» جشس ءىرى بيزنەس سۋبەكتىلەرىنىڭ قاتارىنا جاتادى. كاسىپورىن يمپورت الماستىرۋ ماسەلەلەرىن تولىقتاي شەشىپ، ەلىمىزدى ساپالى ءارى قولجەتىمدى دارىمەن قامتاماسىز ەتۋدە. ءونىمىن شەتەل نارىعىنا دا شىعارا باستاعان.
«زاۋىتتا بۇگىندەرى 311 ادام ەڭبەك ەتەدى. ولاردىڭ قاتارىندا قىتايدان كەلگەن ماماندار دا بار. الدىن الا جاسالعان كەلىسىمشارت بويىنشا كاسىپورىندا س.اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتىنىڭ ستۋدەنتتەرى وندىرىستىك تاجىريبەدەن وتۋدە. وقۋلارىن بىتىرگەننەن كەيىن وسىندا ەڭبەك ەتۋگە قالاتىنداردىڭ قاتارى دا جىل وتكەن سايىن ارتىپ كەلەدى»،-دەيدى «Kelyn-Kazharm» جشس-ءىنىڭ ديرەكتورى مەرەي سلامۇلى.
«Kelyn-Kazharm» زاۋىتىندا مەديتسينالىق پرەپاراتتاردىڭ 150 ءتۇرى شىعارىلادى. وتكەن جىلى مۇندا 2649 ملن.تەڭگەنىڭ ءونىمى وندىرىلسە، بيىل بۇل كورسەتكىش 7903 ملن. تەڭگەگە جەتەدى دەپ كۇتىلۋدە.
