«Kelyn-Kazharm» JShS farmaeptıkalyq ónim shyǵaratyn kásip oryn Almaty oblysy Qarasaı aýdanynda ornalasqan. Orta Azııadaǵy eń iri óndiris oshaǵy 2014 jyldan beri jumys isteıdi. Qazirgi tańda jylyna 140 mln. dári quıylǵan shyny quty shyǵarýǵa qaýqarly.
«Kelyn-Kazharm» zaýytynda negizinen polıpropılen qapshyǵyna quıylǵan ınfýzııalyq eritindiler men shyny qutylar jáne polıpropılen ampýlalaryndaǵy ınekııalyq eritindilerdi óndiredi. Aldaǵy ýaqytta lıofılendirilgen untaq pen antıbıotıkter jáne túrli isikke qarsy preparattar shyǵarý qolǵa alynbaq. Óndiriske qajetti shıkizat ázirge Sıngapýrdan jetkizilýde. Dárilik preparattardyń sapasy Japonııa men Sıngapýrda shyǵarylǵan zamanaýı qondyrǵylar ornatylǵan zerthanalarda tekserilýde.
Aýdandyq kásipkerlik bóliminiń basshysy Ǵazız Maldybaevtyń aıtýynsha, «Kelyn-Kazharm» JShS iri bıznes sýbektileriniń qataryna jatady. Kásiporyn ımport almastyrý máselelerin tolyqtaı sheship, elimizdi sapaly ári qoljetimdi dárimen qamtamasyz etýde. Ónimin shetel naryǵyna da shyǵara bastaǵan.
«Zaýytta búginderi 311 adam eńbek etedi. Olardyń qatarynda Qytaıdan kelgen mamandar da bar. Aldyn ala jasalǵan kelisimshart boıynsha kásiporynda S.Asfendııarov atyndaǵy Qazaq ulttyq medıına ýnıversıtetiniń stýdentteri óndiristik tájirıbeden ótýde. Oqýlaryn bitirgennen keıin osynda eńbek etýge qalatyndardyń qatary da jyl ótken saıyn artyp keledi»,-deıdi «Kelyn-Kazharm» JShS-iniń dırektory Mereı Slamuly.
«Kelyn-Kazharm» zaýytynda medıınalyq preparattardyń 150 túri shyǵarylady. Ótken jyly munda 2649 mln.teńgeniń ónimi óndirilse, bıyl bul kórsetkish 7903 mln. teńgege jetedi dep kútilýde.
