قازاقستاندىق شاحماتشىلار ءۇندىستاننىڭ چەنناي قالاسىندا ءوتىپ جاتقان شاحمات وليمپياداسىن جەڭىسپەن باستادى، دەپ حابارلايدى “ادىرنا” ۇلتتىق پورتالى Sports.kz سايتىنا سىلتەمە جاساپ.
باسىلىمنىڭ حابارلاۋىنشا، جانسايا ابدىمالىك، ءبيبىسارا اساۋباەۆا، كسەنيا بالاباەۆا، گۇلىسحان ناحباەۆا جانە نازەركە نۇرعالي ونەر كورسەتەتىن قازاقستان ايەلدەر قۇراماسى گۆاتەمالا قۇراماسىن 4:0 ەسەبىمەن ۇتقان.
ەكىنشى تۋردا ءبىزدىڭ قىزدار بەلگيا قۇراماسىمەن كەزدەسەدى.
قۇرامىندا رينات جۇماباەۆ، الىشەر سۇلەيمەنوۆ، مۇرتاس قاجاعالەەۆ، ارىستانبەك ۋرازاەۆ جانە قازىبەك نوگەربەك بار ەرلەر قۇراماسى قىتايدىڭ تايپەي كومانداسىنا قارسى ويناپ، 3:1 ەسەبىمەن جەڭىسكە جەتكەن.
ەكىنشى تۋردا ەرلەر قۇراماسى تاجىكستان شاحماتشىلارىمەن وينايدى.
”ادىرنا” ۇلتتىق پورتالى
