قىزىلوردا وبلىسىندا كوركەيتۋ-كوگالداندىرۋ جۇمىستارى باستى نازاردا. بۇگىندە سىرداريا وزەنى مەن وڭجاعا ماگيسترالدىق كانالى ءوتىپ جاتقانىنا قاراماستان، وبلىس ورتالىعىن اياق سۋمەن قامتۋ كورسەتكىشى 30-35 پايىزدى عانا قۇراپ وتىر.
بۇگىندە قالادا ۇزىندىعى 54,6 شاقىرىم ارىق جۇيەسى بار. جاسىل ەكپەلەردى سۋارۋعا ارنالعان ناسوستاردى كۇتىپ ۇستاۋعا قاجەتتى مولشەردە قاراجات قاراستىرىلعان.
سونىمەن قاتار، قىزىلوردا قالاسىن اياق سۋمەن قامتاماسىز ەتۋ ماقساتىندا «جىبەك جولى» جانە «قىزىلجارما» كانالدارىن كۇتىپ ۇستاۋ، پايدالانۋ، سونداي-اق ولاردىڭ قاۋىپسىزدىگىن قامتاماسىز ەتۋ جۇمىستارى ۇدايى نازاردا. الداعى ۋاقىتتا ۇزىندىعى 13,8 شاقىرىم بولاتىن «قىزىلجارما» كانالى ارقىلى كبي، كوممۋنيزم، شانحاي، گاگارين مولتەك اۋداندارىنداعى ارىق جۇيەلەرىمەن 40 مىڭعا جۋىق حالقى مەن قىزىلجارما اۋىلدىق وكرۋگىندەگى 8 مىڭعا جۋىق تۇرعىندار اياق سۋمەن قامتىلادى دەپ كۇتىلۋدە.
قىزىلوردا قالاسىنداعى سىرداريا وزەنىنىڭ سول جاعالاۋىنان 29,7 ملن تەڭگەنى قۇرايتىن تەرەڭدىگى 80 مەتر بولاتىن 2 دانا تەحنيكالىق سۋ جيناۋ ۇڭعىماسىن بۇرعىلاۋ بويىنشا ءتيىستى جۇمىس بارىسىن اياقتادى. بۇل جۇمىستار قالاداعى كوگالداندىرىلعان اۋماقتار مەن تالداردى زاماناۋي ءادىس-تاسىلدەردى پايدالانا وتىرىپ، كوپقاباتتى ۇيلەر اۋلاسىن اياق سۋمەن قامتي وتىرىپ، گۇلزارلار مەن تالدارعا تامشىلاتىپ جانە جۇيەكتەپ سۋارۋعا مۇمكىندىك بەرەدى. ايتا كەتەيىك، ءدال وسى سەكىلدى سۋ جيناۋ ۇڭعىماسى بۇعان دەيىن دە قالا اۋماعىندا قولدانىلىپ، ءوز ناتيجەسىن كورسەتكەن.
الداعى ۋاقىتتا ارىق جۇيەلەرىن اياق سۋمەن قامتاماسىز ەتۋ باعىتىندا
26 دانا بارلاۋ وندىرىستىك ۇڭعىماسىن ورناتۋ جۇمىستارىن جۇرگىزۋ ءۇشىن جوبا-سمەتالىق قۇجاتتارىن ازىرلەۋگە جانە مەملەكەتتىك ساراپتامادان وتكىزۋگە وبلىستىق بيۋدجەتتەن 98 ملن تەڭگە قارجى ءبولىنىپ، مەملەكەتتىك ساتىپ الۋ كونكۋرسى جۇرگىزىلدى. سونداي-اق تەحنيكالىق ۇڭعىمالار ورناتۋ بويىنشا رەسپۋبليكالىق بيۋدجەتكە ءوتىنىم جولدانىپ، بۇگىندە ۇكىمەت رەزەرۆىنەن قولداۋ تاۋىپ وتىر.
ناتيجەسىندە وبلىس ورتالىعىنا جانە قالاعا قاراستى كەنت، اۋىلدىق وكرۋگتەرگە تەحنيكالىق ۇڭعىمالار ورناتىلادى دەپ جوسپارلانۋدا.
