Qyzylorda oblysynda kórkeıtý-kógaldandyrý jumystary basty nazarda. Búginde Syrdarııa ózeni men Ońjaǵa magıstraldyq kanaly ótip jatqanyna qaramastan, oblys ortalyǵyn aıaq sýmen qamtý kórsetkishi 30-35 paıyzdy ǵana qurap otyr.
Búginde qalada uzyndyǵy 54,6 shaqyrym aryq júıesi bar. Jasyl ekpelerdi sýarýǵa arnalǵan nasostardy kútip ustaýǵa qajetti mólsherde qarajat qarastyrylǵan.
Sonymen qatar, Qyzylorda qalasyn aıaq sýmen qamtamasyz etý maqsatynda «Jibek joly» jáne «Qyzyljarma» kanaldaryn kútip ustaý, paıdalaný, sondaı-aq olardyń qaýipsizdigin qamtamasyz etý jumystary udaıy nazarda. Aldaǵy ýaqytta uzyndyǵy 13,8 shaqyrym bolatyn «Qyzyljarma» kanaly arqyly KBI, Kommýnızm, Shanhaı, Gagarın móltek aýdandaryndaǵy aryq júıelerimen 40 myńǵa jýyq halqy men Qyzyljarma aýyldyq okrýgindegi 8 myńǵa jýyq turǵyndar aıaq sýmen qamtylady dep kútilýde.
Qyzylorda qalasyndaǵy Syrdarııa ózeniniń sol jaǵalaýynan 29,7 mln teńgeni quraıtyn tereńdigi 80 metr bolatyn 2 dana tehnıkalyq sý jınaý uńǵymasyn burǵylaý boıynsha tıisti jumys barysyn aıaqtady. Bul jumystar qaladaǵy kógaldandyrylǵan aýmaqtar men taldardy zamanaýı ádis-tásilderdi paıdalana otyryp, kópqabatty úıler aýlasyn aıaq sýmen qamtı otyryp, gúlzarlar men taldarǵa tamshylatyp jáne júıektep sýarýǵa múmkindik beredi. Aıta keteıik, dál osy sekildi sý jınaý uńǵymasy buǵan deıin de qala aýmaǵynda qoldanylyp, óz nátıjesin kórsetken.
Aldaǵy ýaqytta aryq júıelerin aıaq sýmen qamtamasyz etý baǵytynda
26 dana barlaý óndiristik uńǵymasyn ornatý jumystaryn júrgizý úshin joba-smetalyq qujattaryn ázirleýge jáne memlekettik saraptamadan ótkizýge oblystyq bıýdjetten 98 mln teńge qarjy bólinip, memlekettik satyp alý konkýrsy júrgizildi. Sondaı-aq tehnıkalyq uńǵymalar ornatý boıynsha respýblıkalyq bıýdjetke ótinim joldanyp, búginde Úkimet rezervinen qoldaý taýyp otyr.
Nátıjesinde oblys ortalyǵyna jáne qalaǵa qarasty kent, aýyldyq okrýgterge tehnıkalyq uńǵymalar ornatylady dep josparlanýda.
