رەسەي تاعى ءبىر حالىقارالىق ماڭىزى بار جوبادان ايىرىلماق

3016
Adyrna.kz Telegram

روسكوسموستىڭ جاڭا باسشىسى رەسەيدىڭ حعس جوباسىنان شىعاتىنىن حابارلادى. بۇل 2024 جىلدان كەيىن بولۋى مۇمكىن، دەپ زابارلايدى "ادىرنا" ۇلتتىق پورتالى. 

دميتري روگوزيننىڭ ورنىنا روسكوسموس باسشىسى بولىپ كەلگەن يۋري بوريسوۆ رەسەيدىڭ حالىقارالىق عارىش ستانتسياسى (حعس) جوباسىنان شىعاتىنىن مالىمدەدى. بۇل 2024 جىلدان كەيىن بولۋى كەرەك، دەپ حابارلايدى Express K BBC-گە سىلتەمە جاساپ.

بۇل تۋرالى روسكوسموس باسشىسى رەسەي فەدەراتسياسىنىڭ پرەزيدەنتى ۆلاديمير پۋتينمەن جۇمىس كەزدەسۋىندە مالىمدەدى. ونىڭ سوزىنە قاراعاندا، حعس-تان شىعۋ تۋرالى شەشىم قابىلدانىپ قويعان.

ارينە، ءبىز [حعس بويىنشا] سەرىكتەستەرىمىزدىڭ الدىنداعى بارلىق مىندەتتەمەلەرىمىزدى ورىندايمىز، بىراق 2024 جىلدان كەيىن بۇل ستانتسيادان شىعۋ تۋرالى شەشىم قابىلداندى»، - دەدى بوريسوۆ.

باس ديرەكتور باسقارىلاتىن باعدارلامانى، رەسەيدىڭ وربيتالىق قىزمەت كورسەتۋ ستانتسياسىن (روسس) قۇرۋدى مەملەكەتتىك كورپوراتسيا قىزمەتىنىڭ نەگىزگى باسىمدىعى دەپ اتادى.

سونىمەن بىرگە ستانتسيانى باسقاراتىن NASA دا رەسەيدىڭ حعس جوباسىنان شىعۋى تۋرالى ەشقانداي حابارلاما الماعانىن ايتتى.

"ادىرنا" ۇلتتىق پورتالى

پىكىرلەر