بۇگىنگى تاڭدا ايماقتىڭ اۋىل شارۋاشىلىعى سالاسى تۇراقتى دامىپ كەلەدى. اسىرەسە ەگىن، مال شارۋاشىلىعى مەن ەكسپورت جانە ينۆەستيتسيالىق جوبالار بويىنشا ءوسىم بار.
ايماقتىڭ كۇرەتامىرى بولىپ تابىلاتىن سالاعا قاتىستى ايماق باسشىسى ن.نالىباەۆ وبلىستىق ءماسليحات سەسسياسىندا: «ءبىز قازىرگى كەزدە ازىق-تۇلىك باعاسىن تۇراقتاندىرۋ ماقساتىندا ءار اۋىلدىڭ مۇمكىندىگىنە قاراي كوكونىس جانە باقشا ونىمدەرىن وزىمىزدە ءوندىرۋ ءۇشىن بوس جاتقان جەرلەردى يكەمدەپ، ەگىن ەگۋگە ىنتالى ازاماتتارعا ءبولىپ بەرۋىمىز قاجەت»، - دەپ باسا نازار اۋدارعان بولاتىن.
بيىل وبلىس كولەمىندە بارلىعى 188,6 مىڭ گەكتارعا ەگiس ەگىلدى. ونىڭ ىشىندە نەگىزگى داقىل - كۇرiش كولەمى 78,6 مىڭ گا.
بيىلعى جىلى ەگىس كولەمدەرىن ءارتاراپتاندىرۋ باعىتىندا قوسىمشا سويا داقىلىنىڭ ەگىس كولەمى 189 گەكتارعا، قانت قۇمايىن 358 گەكتارعا جەتتى.
سونىمەن قاتار، سۋ ۇنەمدەۋ تەحنولوگياسىن قولدانۋ ارقىلى بيىلعى جىلى بارلىعى 607 گەكتار جەرگە اۋىل شارۋاشىلىعى داقىلدارى ەگىلەدى.
بۇگىنگى كۇنى ەگىن جيناۋ جۇمىستارى باستالىپ، وبلىس بويىنشا ەگىلگەن 5593 گا كۇزدىك بيدايدان - 9 306 توننا، 5813 گەكتار جازدىق بيدايدان - 3289 توننا، 375 گەكتار ارپادان - 145 توننا ءونىم جينالدى. ءداندى داقىلداردى جيناۋ ءالى دە جالعاسۋدا.
ال مال شارۋاشىلىعى سالاسىندا وڭ ديناميكا قالىپتاسىپ، مال باسى تۇراقتى ءوسىپ، وندىرىلگەن ءونىم كولەمى ارتۋدا.
2022 جىلدىڭ 1 شىلدەسىنە 420,3 مىڭ باس مىق، 895,7 مىڭ باس قوي مەن ەشكى، 210,9 مىڭ باس جىلقى، 61,6 مىڭ باس تۇيە جانە 128,0 مىڭ باس قۇس تىركەلگەن.
مال باسىن بىلتىرعى جىلدىڭ ەسپتى كەزەڭىمەن سالىستىرعاندا مىق-8,6%-عا، قوي مەن ەشكى-5,7%-عا، جىلقى 17,1%-عا، تۇيە 7,1%-عا، قۇس 2,7%-عا كوبەيگەن.
ەسەپتى كەزەڭدە 17,7 مىڭ توننا ەت، 41,6 مىڭ توننا ءسۇت جانە 3,3 ملن. دانا جۇمىرتقا ءوندىرىلىپ، 2021 جىلدىڭ سايكەستى كەزەڭىمەن سالىستىرعاندا ەت ءوندىرىسى 1,8%-عا، ءسۇت ءوندىرىسى 1,7%-عا، جۇمىرتقا ءوندىرىسى 3,1%-عا ارتتى.
جالپى 2022 جىلدىڭ 1 ماۋسىمىنا وبلىستان 19,8 ملن. دوللاردى قۇرايتىن 39,8 مىڭ توننا اۋىل شارۋاشىلىعى ونىمدەرى (كۇرىش، بالىق ونىمدەرى، بيداي قالدىعى، قامىس) ەكسپورتتالىپ، وتكەن جىلدىڭ سايكەستى كەزەڭىمەن سالىستىرعاندا 125,9 پايىزدى قۇراپ وتىر. ونىمدەر الەمنىڭ 20 مەملەكەتىنە ەكسپورتتالدى.
جالپى بيىل ەگىنشىلىك سالاسىنا 4,3 ملرد. تەڭگە، مال شارۋاشىلىعىن سۋبسيديالاۋعا 4 ملرد.تەڭگە قارجى قارالعان. ەندىگى كەزەكتە مال ونىمدەرىن وندىرۋمەن بىرگە ونى تەرەڭ وڭدەۋگە ءمان بەرىلەتىن بولادى.
سونىمەن قاتار، اعىمداعى جىلى وبلىس بويىنشا جالپى قۇنى 10,3 ملرد.تەڭگەنى قۇرايتىن 14 ينۆەستيتسيالىق جوبانى ىسكە اسىرۋ جوسپارلانۋدا. ناتيجەسىندە بۇل سالادا 271 جاڭا جۇمىس ورىندارى قۇرىلاتىن بولادى.
