Búgingi tańda aımaqtyń aýyl sharýashylyǵy salasy turaqty damyp keledi. Ásirese egin, mal sharýashylyǵy men eksport jáne ınvestıııalyq jobalar boıynsha ósim bar.
Aımaqtyń kúretamyry bolyp tabylatyn salaǵa qatysty aımaq basshysy N.Nálibaev oblystyq máslıhat sessııasynda: «Biz qazirgi kezde azyq-túlik baǵasyn turaqtandyrý maqsatynda ár aýyldyń múmkindigine qaraı kókónis jáne baqsha ónimderin ózimizde óndirý úshin bos jatqan jerlerdi ıkemdep, egin egýge yntaly azamattarǵa bólip berýimiz qajet», - dep basa nazar aýdarǵan bolatyn.
Bıyl oblys kóleminde barlyǵy 188,6 myń gektarǵa egis egildi. Onyń ishinde negizgi daqyl - kúrish kólemi 78,6 myń ga.
Bıylǵy jyly egis kólemderin ártaraptandyrý baǵytynda qosymsha soıa daqylynyń egis kólemi 189 gektarǵa, qant qumaıyn 358 gektarǵa jetti.
Sonymen qatar, sý únemdeý tehnologııasyn qoldaný arqyly bıylǵy jyly barlyǵy 607 gektar jerge aýyl sharýashylyǵy daqyldary egiledi.
Búgingi kúni egin jınaý jumystary bastalyp, oblys boıynsha egilgen 5593 ga kúzdik bıdaıdan - 9 306 tonna, 5813 gektar jazdyq bıdaıdan - 3289 tonna, 375 gektar arpadan - 145 tonna ónim jınaldy. Dándi daqyldardy jınaý áli de jalǵasýda.
Al mal sharýashylyǵy salasynda oń dınamıka qalyptasyp, mal basy turaqty ósip, óndirilgen ónim kólemi artýda.
2022 jyldyń 1 shildesine 420,3 myń bas MIQ, 895,7 myń bas qoı men eshki, 210,9 myń bas jylqy, 61,6 myń bas túıe jáne 128,0 myń bas qus tirkelgen.
Mal basyn byltyrǵy jyldyń espti kezeńimen salystyrǵanda MIQ-8,6%-ǵa, qoı men eshki-5,7%-ǵa, jylqy 17,1%-ǵa, túıe 7,1%-ǵa, qus 2,7%-ǵa kóbeıgen.
Esepti kezeńde 17,7 myń tonna et, 41,6 myń tonna sút jáne 3,3 mln. dana jumyrtqa óndirilip, 2021 jyldyń sáıkesti kezeńimen salystyrǵanda et óndirisi 1,8%-ǵa, sút óndirisi 1,7%-ǵa, jumyrtqa óndirisi 3,1%-ǵa artty.
Jalpy 2022 jyldyń 1 maýsymyna oblystan 19,8 mln. dollardy quraıtyn 39,8 myń tonna aýyl sharýashylyǵy ónimderi (kúrish, balyq ónimderi, bıdaı qaldyǵy, qamys) eksporttalyp, ótken jyldyń sáıkesti kezeńimen salystyrǵanda 125,9 paıyzdy qurap otyr. Ónimder álemniń 20 memleketine eksporttaldy.
Jalpy bıyl eginshilik salasyna 4,3 mlrd. teńge, mal sharýashylyǵyn sýbsıdııalaýǵa 4 mlrd.teńge qarjy qaralǵan. Endigi kezekte mal ónimderin óndirýmen birge ony tereń óńdeýge mán beriletin bolady.
Sonymen qatar, aǵymdaǵy jyly oblys boıynsha jalpy quny 10,3 mlrd.teńgeni quraıtyn 14 ınvestıııalyq jobany iske asyrý josparlanýda. Nátıjesinde bul salada 271 jańa jumys oryndary qurylatyn bolady.
