الماتى پوليتسياسى ساموكاتقا جالاڭاش مىنگەن ادامداردى انىقتاپ، قىلمىستىق جاۋاپكەرشىلىككە تارتتى، - دەپ حابارلايدى "ادىرنا" پورتالى. قالالىق پوليتسيا دەپارتامەنتىنىڭ ءباسپاسوز قىزمەتى حابارلاعانداي، كيىمسىز ساموكات تەپكەن ەرلى-زايىپتىلار قاماۋعا الىندى.
جەرگىلىكتى پوليتسيا قىزمەتىنىڭ حابارلاۋىنشا، الماتى قالاسىنىڭ مامانداندىرىلعان اۋدانارالىق اكىمشىلىك سوتىندا الماتى قالاسىنىڭ جولدارىندا كيىمسىز جانە كولىك قۇرالىمەن كەلە جاتقان 1997 جىلى تۋعان ازامات م. مەن 2003 جىلى تۋعان ازامات گ.-عا قاتىستى سوت وتىرىسى ءوتتى.
«بوستاندىق اۋدانىنىڭ پوليتسيا بولىمىمەن قۇقىق بۇزۋشىلار انىقتالىپ، ۇستالىپ، ولاردىڭ ادەپسىز ارەكەتتەرى قىجك-ءنىڭ 434-بابى «ۇساق بۇزاقىلىق» بويىنشا ساراپتالعان. جاستاردىڭ ارقايسىسىنا 10 تاۋلىككە اكىمشىلىك قاماققا الۋ تۋرالى شەشىم شىعارىلدى.سونىمەن قاتار، «مەرسەدەس» اۆتوكولىگىنىڭ جۇرگىزۋشىسى 1994 جىلى تۋعان ازامات ك.-عا قاتىستى اكىمشىلىك شارا قولدانىلعانىن ايتا كەتەيىك. ول جولاۋشىلاردى تاسىمالداۋ ەرەجەسىن بۇزعان (قىجك-ءنىڭ 593-بابى، 1-بولىگى) ۇيالى تەلەفونىنا جالاڭاش ادامداردى تۇسىرگەن»، - دەدى الماتى قالالىق ءىىد جەرگىلىكتى پوليتسيا قىزمەتىنىڭ باستىعى، پوليتسيا پولكوۆنيگى ەرجان ۇزاباەۆ.
اتىشۋلى ۆيدەوداعى كەيىپكەرلەر جۇرتشىلىقتان كەشىرىم سۇرادى.
«قوعامنان كەشىرىم سۇرايمىن، ونىڭ سالدارى تۋرالى ويلاعان جوقپىز، ىستەگەنىمە وكىنەمىن، مۇنداي قورلاۋ ءۇشىن وكىنەمىن جانە بارشا جۇرتشىلىقتان كەشىرىم سۇرايمىن»، - دەدى جىگىت ۆيدەو ۇندەۋىندە.
"مەن ءوز ارەكەتىم ءۇشىن جۇرتشىلىقتان كەشىرىم سۇرايمىن جانە ءوز كىنامدى مويىندايمىن. ءبىز اقىماقتىق جاساپ، سالدارىن ويلامادىق. بۇدان بىلاي مۇنداي جاعداي قايتالانبايدى", - دەپ وكىندى بويجەتكەن.
