وسىعان دەيىن بىرنەشە رەت كەيىنگە قالدىرىلعان اتىراۋ وبلىسى اكىمىنىڭ ورىنباسارى باقىتگۇل حامەنوۆانىڭ سوتى باستالادى، دەپ حابارلايدى "ادىرنا" ۇلتتىق پورتالى.
سوت ماۋسىم ايىندا باستالۋى كەرەك بولاتىن. الايدا ىسكە توراعالىق ەتۋشى سوت باسقا ىسپەن كەڭەسۋ بولمەسىنە كەتىپ، سوت وتىرىسى كەيىنگە قالدىرىلدى. ول كەڭەسۋ بولمەسىنەن شىققاننان كەيىن، پرەزيدەنت جارلىعىمەن باسقا سوتقا اۋىسىپ كەتىپ، سوت تاعى دا بولماي قالدى.
– بەلگىلى سەبەپتەرمەن ب.حامەنوۆانىڭ سوت وتىرىسى كەيىنگە قالدىرىلعان بولاتىن. باستى سوت وتىرىسى 3 تامىزدا وتەدى، – دەپ حابارلادى وبلىستىق سوتتىڭ ءباسپاسوز قىزمەتى.
باقىتگۇل حامەنوۆا اباي قۇنانبايۇلىنىڭ ەسكەرتكىشىن ورناتقان كاسىپكەردەن 4 ملن 500 مىڭ تەڭگە پارا الدى دەگەن كۇدىكپەن ۇستالعان بولاتىن. سىبايلاس جەمقورلىققا قارسى ءىس-قيمىل اگەنتتىگىنىڭ قىزمەتكەرلەرى حامەنوۆانىڭ قىلمىستىق ءىسىن تەرگەۋدى مامىردا اياقتاپ، اتىراۋ وبلىستىق پروكۋراتۋراسىنا جىبەرگەن بولاتىن. پروكۋرورلار قىلمىستىق ءىستى زەردەلەپ، ەشقانداي زاڭبۇزۋشىلىقتار تاپپاي، ءىستى اتىراۋ قالالىق №2 سوتىنا جولدادى. الايدا قىلمىستىق ءىس سوتتا تۇرىپ قالدى.
"ادىرنا" ۇلتتىق پورتالى
