قر قارجىلىق مونيتورينگ اگەنتتىگى قايرات بورانباەۆتىڭ ءىنىسى، كاسىپكەر مۇرات بورانباەۆقا ىزدەۋ جاريالادى، دەپ جازادى "ادىرنا" ۇلتتىق پورتالى.
قۇقىقتىق ستاتيستيكا جانە ارنايى ەسەپكە الۋ ورگاندارى پورتالىندا جاريالانعان اقپاراتقا سايكەس، بورانباەۆ مۇرات سوۆەتايۇلى 1970 جىلى 1 شىلدەدە دۇنيەگە كەلگەن. مەملەكەتتىك ساتىپ الۋ سايتىندا مۇرات بورانباەۆتىڭ 2017 جىلى AlanParking جشس باسشىسى بولىپ تىركەلگەنى تۋرالى اقپارات بار.
«2022 جىلعى 20 شىلدەدەگى ىزدەۋ ءىسى الماتى وبلىسىندا تىركەلگەن. باستاماشى: قما. ىزدەستىرۋ جۇرگىزەتىن ورگان: قازاقستان رەسپۋبليكاسى قارجى مونيتورينگى اگەنتتىگىنىڭ الماتى قالاسى بويىنشا ەكونوميكالىق تەرگەۋ دەپارتامەنتى (تەل. 8 (727) 279-29-56)»، -دەلىنگەن ۆەدومستۆو حابارلاماسىندا.
8 شىلدەدە قايرات بورانباەۆتىڭ قاماۋعا الۋ مەرزىمى تاعى ءبىر ايعا ۇزارتىلعانى حابارلاندى.
ەستەرىڭىزگە سالا كەتەيىك، 17 ناۋرىزدا قارجىلىق مونيتورينگ اگەنتتىگىكۆازيمەملەكەتتىك سەكتوردا اسا ءىرى كولەمدە قارجى جىمقىرۋ دەرەگى بويىنشا قايرات بورانباەۆتىڭ ۇستالعانىن حابارلاعان بولاتىن.
"ادىرنا" ۇلتتىق پورتالى
