بەلسەندى ينگا يمانباي كۇيەۋى جانبولات ماماي ىسىندە قورعاۋشى مارتەبەسىنەن ايىرىلدى. بۇل تۋرالى ول ءوزىنىڭ Facebook پاراقشاسىندا حابارلادى، دەپ جازادى "ادىرنا" ۇلتتىق پورتالى.
ينگا يمانبايدىڭ حابارلاۋىنشا، الماتى پروكۋراتۋراسى وعان جانبولاتتىڭ ءىسى بويىنشا" كۋاگەر" ەكەنىن العا تارتىپ، بەيسەنبى كۇنى كۇيەۋىنە كىرگىزبەگەن.
"جانبولاتقا قاۋىپ ءتونىپ تۇر! بۇگىن مەنى وعان كىرگىزبەدى. ەندى مۇلدە كىرگىزبەيمىز، كورسەتپەيمىز دەيدى. الماتى قالاسى پروكۋراتۋراسى مەنى جانبولاتتىڭ قورعاۋشىسى ستاتۋسىنان ايىراتىن قاۋلى شىعارىپ، تۇرمەگە وتكىزىپتى. سىلتاۋلارى: 4 قاڭتار كۇنى جانبولاتپەن بىرگە ميتينگكە شىققان مەن ءىس بويىنشا كۋاگەر ەكەنمىن-مىس. ءيا، زاڭدى كۇيەۋىمە قارسى كۋالىك ەتۋگە ماجبۇرلەمەك بولعاندارى راس. بىراق، مەن جانبولاتقا قارسى كۋالىك بەرۋدەن باس تارتقانمىن، ءىس بويىنشا جاقىن تۋىسىما كۋاگەر بولماۋ مەنىڭ زاڭدى قۇقىعىم. ەندى جارىمدى زاڭسىز، جالامەن تۇرمەگە قاماعاندارى ازداي، ءوزىمدى ۇرىپ-سوعىپ قاناعادارى ازداي، مەنىڭ زاڭدى قۇقىعىمدى وسىلاي اياق استى ەتۋ كەرەك پە؟! بۇل نە دەگەن سۇمدىق؟", - دەپ جازدى ول.
"ادىرنا" ۇلتتىق پورتالى
