Qaraǵandylyq belsendi Nurhan Nurmahanov óziniń jelilik paraqshasynda balalarynyń týý týraly kýáligi oryssha jazylǵany úshin narazylyq tanytyp, qaıta jasatqanyn málimdedi, dep habarlaıdy "Adyrna" tilshisi.
Nurhan Nurmahanov balalaryna jergilikti HQKO-nan týý týraly kýálik alǵanyn aıtty. Unamaǵany kýáliktegi málimetter orys tilinde usynylǵan eken.
"Nege qazaqsha jazbaısyz dedim. Olar maǵan "kakaıa raznıa" dep qarsy shyqty. Basqalary bulaı suramaıdy ǵoı dedi maǵan. Basqa qazaqstar sorly bolǵanyna men kináli emespin dedim" dedi ol.
Artynsha ol qujatty qaıta jasatyp, qazaq tildi nusqasyn alǵanyn aıtyp, halyqty qazaq tilinde qyzmet kórsetýdi suratýdy, ana tilimizdiń mártebesin óz kúshimizben osylaısha kóterýge shaqyrdy.
