كارىم ءماسىموۆ پەن ونىڭ ورىنباسارى ءانۋار سادىقۇلوۆتى قاماۋ مەرزىمى 6 تامىزعا دەيىن ۇزارتىلدى. بۇل تۋرالى قر ۇلتتىق قاۋىپسىزدىك كوميتەتى حابارلادى.
كۇدىكتىلەردى قاماۋدا ۇستاۋ مەرزىمى 7 ايعا دەيىن ۇزارتىلدى. ۇلتتىق قاۋىپسىزدىك كوميتەتى بۇرىنعى توراعاسى ك. ءماسىموۆ پەن ۇقك توراعاسىنىڭ بۇرىنعى ورىنباسارى ءا. سادىقۇلوۆتى قاماۋدا ۇستاۋ مەرزىمى 2022 جىلدىڭ 6 تامىزىنا دەيىن، سونداي-اق بۇرىنعى ورىنباسارى داۋلەت ەرعوجيندى قاماۋدا ۇستاۋ 8 مامىرعا دەيىن ۇزارتىلدى.
ۇقك تەرگەۋ توبى ءماسىموۆتى جانە باسقا دا تۇلعالاردى قر قىلمىستىق كودەكسىنىڭ كەلەسى باپتارى بويىنشا تەرگەپ جاتقانىن ءتۇسىندىردى:
- 175-باپتىڭ 1-بولىگى – "مەملەكەتكە وپاسىزدىق جاساۋ";
- 179-باپتىڭ 3-بولىگى – "قازاقستان رەسپۋبليكاسىنىڭ كونستيتۋتسياسىن بۇزىپ، بيلiكتi كۇشپەن باسىپ الۋعا نەمەسە بيلiكتi كۇشپەن ۇستاپ تۇرۋعا نە قازاقستان رەسپۋبليكاسىنىڭ كونستيتۋتسيالىق قۇرىلىسىن كۇشتەپ وزگەرتۋگە باعىتتالعان ارەكەتتەر";
- 218-باپتىڭ 3-بولىگى – "قىلمىستىق قۇقىق بۇزۋشىلىقتاردان تۇسكەن تابىستار بولىپ تابىلاتىن مۇلىكتى كونۆەرسيالاۋ نەمەسە اۋدارۋ تۇرىندە مامىلەلەر جاساسۋ ارقىلى قىلمىستىق جولمەن الىنعان اقشانى جانە (نەمەسە) وزگە مۇلىكتى زاڭدى اينالىمعا تارتۋ نە مۇنداي مۇلىكتى يەلەنۋ جانە پايدالانۋ".
- 362-باپتىڭ 4-بولىگىنىڭ 3-تارماعى – "بيلىكتى نەمەسە لاۋازىمدىق وكىلەتتىكتەردى اسىرا پايدالانۋ";
- 366-باپتىڭ 4-بولىگى – "پارا الۋ";
ەستەرىڭىزگە سالا كەتەيىك، 8 قاڭتاردا ۇقك بۇرىنعى توراعاسى كارىم ءماسىموۆتىڭ ۇستالعانىن حابارلادى. وعان قاتىستى قىلمىستىق ءىس «وتە قۇپيا» ساناتىنا جاتقىزىلدى.
"ادىرنا" ۇلتتىق پورتالى
