بۇرىنعى دەپۋتات ءارى كەزىندە نۇرسۇلتان نازارباەۆتىڭ كەڭەسشىسى قىزمەتىن اتقارعان سەرىك ءابدىراحمانوۆ تۇڭعىش پرەزيدەنتكە بۇرىن تالاي ەسكەرتۋ جاساعانى تۋرالى ايتتى، دەپ حابارلايدى “ادىرنا” ۇلتتىق پورتالى Stan.kz سايتىنا سىلتەمە جاساپ.
“نازارباەۆتىڭ جاقسىلىعىنان قياناتى اسىپ كەتەدى. 1993 جىلى پارلامەنتتە مىناداي ءسوزدى ۇران ەتىپ تاستادىم: “قازاقستاننىڭ باي جەرىندە حالىقتى جۇدەتۋ قىلمىس!”. ءبىز كاتار، كۋۆەيت ەلدەرىنەن باي مەملەكەتپىز. جەر بايلاعىمىزعا ەشكىم تالاسا المايدى. ءبىز ەميراتتاردان ارتىق تۇرۋىمىز كەرەك ەدى. وسىنىڭ بارلىعىن نازارباەۆ ۇرلادى عوي”، - دەيدى بۇرىنعى شەنەۋنىك.
پرەزيدەنت بولۋ ۇلكەن جاۋاپكەرشىلىك ەكەنىن ەسكە سالعان ءابدىراحمانوۆ، ءوزىنىڭ نازارباەۆتىڭ كەڭەسشىسى بولىپ جۇرگەن ۋاقىتتا ونىمەن جەكە كەزدەسىپ، قىزدارى تۋرالى ايتقانىن جەتكىزدى.
“ول ءوزى مەنى شاقىراتىن. “سەرىك، ايتشى، حالىق نە دەيدى؟” – دەپ. مەن الدىن الا “رەنجىمەيسىز بە؟” دەپ سۇراپ الاتىنمىن. سوسىن قىزدارى تۋرالى ايتقانمىن. ءبىر بەدەلدى جانىندا جۇرگەن بىرەۋ قىزدارىنا “تاۋگۇل” مولتەك اۋدانىنان ەكى كوتتەدج سىيلاپتى دەپ. بىراق ول “جوق، سەرىك، مەن وندايعا جىبەرمەيمىن” دەدى. كەيىن بىراق ەستىدىم، سول ەكى كوتتەدج ساتىلىپ، قىزدارى العان ەكەن. تۋرا سول وتىرىستا تاعى ءبىر جايتتى ايتتىم. سول كۇنگە جوسپار قۇرىپ بارعان جازۋلارىم ءالى كۇنگە دەيىن بار. “نۇرەكە، التىنشى قاباتپەن ديپلوماتتار جاسىل قاعازبەن تاسىپ ءجۇر دەگەن ەل اراسىندا ءسوز تاراپ جاتىر” دەدىم. ول كەزدە دە “جوق، مەن وندايعا بارمايمىن” دەگەن. بۇل 1994 جىل ەدى”، - دەپ قوستى ساياساتكەر.
ءابدىراحمانوۆ نازارباەۆقا كەزىندە تالاي ەسكەرتۋ جاساعانىن ايتا كەلە، تۇڭعىش پرەزيدەنتتى كىنالاۋعا ءوزىنىڭ قۇقى بار ەكەنىن ايتادى.
“ول مەنىڭ ادالدىعىمدى كوردى. سول سەبەپتى مەن 2007 جىلى دەپۋتاتتىقتان كەتكەنگە دەيىن تالاي نارسەنى ايتىپ وتىردىم. قۇدالارى تۋرالى، راحات، تيمۋر قۇلىباەۆ پا، ءبارى تۋرالى. جانىندا جۇرگەن ادامداردىڭ تەك ۇرلىقپەن جۇرگەنىن دە ايتتىم. كارىمنىڭ [كارىم ءماسىموۆ – رەد.] ورنىنا مەنى قاۋىپسىزدىك كوميتەتىنىڭ توراعاسى ەتىپ قويىڭىز، گەنەرالدارىڭىزدى شىنجىرلاپ تۇرىپ الدىڭىزعا الىپ كەلەمىن دەدىم دە. ۇندەمەدى. “جاعداي قيىن بولادى. ءبىر جاعداي بولىپ قالسا، جانىڭىزدان تابىلاتىن ادام بولمايدى” دەپ نازارباەۆقا تالاي ايتتىم، تالاي جازدىم. قۇلاق اسپادى. سوندىقتان ارىم تازا”، - دەيدى ول.
“ادىرنا” ۇلتتىق پورتالى
