تۇرمىستىق قىلمىستار سالاسىندا زاڭنامالىق تۇزەتۋلەر ەنگىزىلەدى. بۇل تۋرالى اشىق القا ماجىلىسىندە ىشكى ىستەر ءمينيسترى مارات احمەتجانوۆ مالىمدەدى، دەپ حابارلايدى “ادىرنا” ۇلتتىق پورتالى.
جىل باسىنان بەرى پوليتسياعا تۇرمىستىق زورلىق-زومبىلىق تۋرالى 70 مىڭ حابارلاما كەلىپ تۇسكەن. ولاردىڭ 43 000-ى «ەسەپتەن شىعارىلدى»، ويتكەنى جابىرلەنۋشىلەر پوليتسيا كەلگەن كەزدە ارىز بەرۋدەن باس تارتتى. بۇل زورلاۋشىنىڭ قۇربانىنمەن تاتۋلاسۋىنا نەمەسە كەك الۋىنان قورقۋىنا بايلانىستى.
قازىرگى ۋاقىتتا پوليتسيانىڭ بۇل سالاداعى وكىلەتتىگى شەكتەۋلى. پوليتسەيلەر ارىز بولعان جاعدايدا عانا «ۇيدەگى» تيرانداردى جاۋاپقا تارتا الادى. سوندىقتان قوعامدا دەنەگە جەڭىل زيان كەلتىرۋ جانە ۇرىپ-سوعۋ ارەكەتىن قىلمىستىق جاۋاپكەرشىلىككە تارتۋ تەزيسى بەلسەندى تۇردە ناسيحاتتالۋدا.
“اكىمشىلىك قاماۋعا الۋ مەرزىمىن ۇلعايتىپ، ەسكەرتۋ ورنىنا قوعامدىق جۇمىستاردى ەنگىزۋ كەرەك. دەنساۋلىققا زيان كەلتىرۋمەن بايلانىستى قىلمىستاردىڭ جەكەلەگەن بەلگىلەرىنە «وتباسى-تۇرمىستىق قاتىناستا بولاتىن ادامعا قاتىستى» دەگەن بىلىكتىلىك بەلگىسى ەنگىزىلسىن. تاراپتاردىڭ تاتۋلاسۋ مۇمكىندىگى تەك سوتتا جانە ءبىر رەت قانا بولادى”، – دەدى مينيستر.
ول سونداي-اق زاڭنامالىق تۇزەتۋلەر پاكەتى دايىندالىپ، مەملەكەتتىك ورگانداردىڭ بەكىتۋىنە جىبەرىلەتىنىن ايتتى.
”ادىرنا” ۇلتتىق پورتالى
