ورالدا قارتتار ۇيىنەن ءوز-وزىنە قول جۇمساعان ازاماتتىڭ ءمايىتى تابىلدى، دەپ حابارلايدى “ادىرنا” ۇلتتىق پورتالى جەرگىلىكتى “موي گورود” باسىلىمىنا سىلتەمە جاساپ.
«9 شىلدە كۇنى كەشكە تامان مەحانيكالىق اسفيكسيا بەلگىلەرى بار 61 جاستاعى ازامات تابىلدى. وعان العاشقى مەديتسينالىق كومەك كورسەتىلگەنىمەن، ەش ناتيجە بولمادى. قىزمەتكەرلەردىڭ ءىس-ارەكەت الگوريتمىنە سايكەس، قىزمەت الۋشىلار قايتىس بولعان جاعدايدا، ءتيىستى ورگاندارعا حابارلانادى»، - دەپ حابارلادى پوليتسيا دەپارتامەنتى.
مارقۇم ەكىنشى توپتاعى مۇگەدەك بولعان. ەر ادام ورال ارناۋلى الەۋمەتتىك قىزمەتتەر كورسەتۋ ورتالىعىنا 2008 جىلدىڭ 8 اقپانىندا تۇسكەن.
«وعان بيپوليارلى اففەكتيۆتى بۇزىلىس، ارالاس ءتيپتى جىل سايىنعى اسقىنۋى، گيپومانيالىق جاعداي، ورتاشا ايقىن گيپوپاتو-گيپوبۋليكالىق اقاۋ دياگنوزى قويىلعان بولاتىن. وسى جىلدىڭ مامىر ايىندا وبلىستىق پسيحيكالىق دەنساۋلىق ورتالىعىندا ەم قابىلداعان. ورالدا تۇراتىن بالالار بار»، - دەپ ءتۇسىندىردى ورتالىق.
“ادىرنا” ۇلتتىق پورتالى
