الماتى مەن نۇر-سۇلتان ءومىر سۇرۋگە ەڭ قىمبات قالالار تىزىمىنە ەندى. بۇل تۋرالى Tengrinews.kz حابارلادى، دەپ جازادى "ادىرنا" ۇلتتىق پورتالى.
زەرتتەۋ ناتيجەلەرى Numbeo سەرۆيسى سايتىندا جاريالانعان. رەيتينگكە 2022 جىلدىڭ ءبىرىنشى جارتى جىلدىعىنىڭ قورىتىندىسى الىنعان. بەرمۋد استاناسى - گاميلتون - 2022 جىلدىڭ ءبىرىنشى جارتىجىلدىعىندا ءومىر ءسۇرۋ قۇنى بويىنشا قالالار رەيتينگىندە ءبىرىنشى ورىنعا شىقتى.
ەڭ قىمبات قالالار تىزىمىندە ەكىنشى ورىندا - بازەل (شۆەيتساريا), ءۇشىنشى ورىندا - تسيۋريح. سونداي-اق، وندىققا تسۋگ (شۆەيتساريا), لوزاننا (شۆەيتساريا), بەرن (شۆەيتساريا), جەنەۆا (شۆەيتساريا), گونولۋلۋ (اقش), سانتا-باربارا (اقش) جانە نيۋ-يورك (اقش) كىرگەن.
تىزىمگە قازاقستان قالالارى ىشىندە الماتى مەن نۇر-سۇلتان كىرگەن. ولار 466 جانە 475 ورىنداردى يەلەندى.
"ادىرنا" ۇلتتىق پورتالى
