سولتۇستىك قازاقستان وبلىسىنىڭ تۇرعىنىنا WhatsApp جەلىسىندەگى ءدىني ستاتۋسى ءۇشىن ايىپپۇل سالىندى، دەپ حابارلايدى “ادىرنا” ۇلتتىق پورتالى.
"سولتۇستىك قازاقستان وبلىسى عابيت مۇسىرەپوۆ اۋدانىنىڭ 39 جاستاعى تۇرعىنى WhatsApp مەسسەندجەرى ستاتۋسىندا ءبىر اي بويى ءدىني مازمۇنداعى ماتەريالدارى بار سۋرەتتەردى جاريالاعان. مۇنداي ارەكەتتەر قۇقىق بۇزۋشىلىق بولىپ تابىلادى. اۋىل تۇرعىنىنا قاتىستى اكىمشىلىك ماتەريال جينالدى", - دەپ حابارلادى پوليتسيادان.
ع.مۇسىرەپوۆ اتىنداعى اۋدان سوتىنىڭ قاۋلىسىمەن اۋىل تۇرعىنى قازاقستان رەسپۋبليكاسى اقبتك-ءنىڭ 490-بابىنىڭ 1-بولىگى، 3-تارماعىندا كوزدەلگەن قۇقىق بۇزۋشىلىقتى جاساعانى ءۇشىن كىنالى دەپ تانىلدى. وعان 35 ايلىق ەسەپتىك كورسەتكىش (107 مىڭ 205 تەڭگە) كولەمىندە ايىپپۇل سالىندى.
ء"دىني ادەبيەتتى، ءدىني مازمۇنداعى وزگە دە اقپاراتتىق ماتەريالداردى، ءدىني زاتتاردى تەك عيبادات ورىندارىندا، ءدىني ءبىلىم بەرۋ ۇيىمدارىندا، سونداي-اق جەرگىلىكتى اتقارۋشى ورگاندار ارنايى بەلگىلەگەن ستاتسيونارلىق ءۇي-جايلاردا تاراتۋعا رۇقسات ەتىلەدى. پەتروپاۆلدا وسىنداي 15 ارنايى ورىن بار", - دەدى سولتۇستىك قازاقستان وبلىسى بويىنشا پد ەكسترەميزمگە قارسى كۇرەس باسقارماسىنىڭ باستىعى، پوليتسيا پولكوۆنيگى رۋسلان جاراسباەۆ.
“ادىرنا” ۇلتتىق پورتالى
