Soltústik Qazaqstan oblysynyń turǵynyna WhatsApp jelisindegi dinı statýsy úshin aıyppul salyndy, dep habarlaıdy “Adyrna” ulttyq portaly.
"Soltústik Qazaqstan oblysy Ǵabıt Músirepov aýdanynyń 39 jastaǵy turǵyny WhatsApp messendjeri statýsynda bir aı boıy dinı mazmundaǵy materıaldary bar sýretterdi jarııalaǵan. Mundaı áreketter quqyq buzýshylyq bolyp tabylady. Aýyl turǵynyna qatysty ákimshilik materıal jınaldy", - dep habarlady polıııadan.
Ǵ.Músirepov atyndaǵy aýdan sotynyń qaýlysymen aýyl turǵyny Qazaqstan Respýblıkasy ÁQBtK-niń 490-babynyń 1-bóligi, 3-tarmaǵynda kózdelgen quqyq buzýshylyqty jasaǵany úshin kináli dep tanyldy. Oǵan 35 aılyq eseptik kórsetkish (107 myń 205 teńge) kóleminde aıyppul salyndy.
"Dinı ádebıetti, dinı mazmundaǵy ózge de aqparattyq materıaldardy, dinı zattardy tek ǵıbadat oryndarynda, dinı bilim berý uıymdarynda, sondaı-aq jergilikti atqarýshy organdar arnaıy belgilegen staıonarlyq úı-jaılarda taratýǵa ruqsat etiledi. Petropavlda osyndaı 15 arnaıy oryn bar", - dedi Soltústik Qazaqstan oblysy boıynsha PD ekstremızmge qarsy kúres basqarmasynyń bastyǵy, polıııa polkovnıgi Rýslan Jarasbaev.
“Adyrna” ulttyq portaly
