لاريسا پاكتىڭ ىسىنە قاتىستى انتيكوردىڭ بۇرىنعى قىزمەتكەرلەرى كۇدىككە ءىلىندى

2288
Adyrna.kz Telegram
فوتو: Facebook/لاريسا يۋن-بويەۆنا پاك
فوتو: Facebook/لاريسا يۋن-بويەۆنا پاك
انتيكور فارماتسيا كوميتەتى باسشىسىنىڭ ەكس-مىندەتىن اتقارۋشى لاريسا پاكقا رۇقسات ەتىلمەگەن تەرگەۋ ادىستەرىن قولدانۋ فاكتىسى بويىنشا تەرگەۋ باستادى. بۇل تۋرالى انتيكور مالىمدەدى، دەپ حابارلايدى “ادىرنا” ۇلتتىق پورتالى. 
"سىبايلاس جەمقورلىققا قارسى قىزمەت دەنساۋلىق ساقتاۋ مينيسترلىگى فارماتسيا كوميتەتى توراعاسىنىڭ بۇرىنعى مىندەتىن اتقارۋشى لاريسا پاكقا قاتىستى قىلمىستىق ءىستى تەرگەۋگە قاتىسقان سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ بۇرىنعى قىزمەتكەرلەرىنىڭ رۇقسات ەتىلمەگەن تەرگەۋ ادىستەرىن قولدانۋ فاكتىسى بويىنشا سوتقا دەيىنگى تەرگەۋدى باستادى", - دەپ حابارلادى انتيكور.
جەدەل تەرگەۋ توبى قىلمىستىق ءىستى 2017-2018 جىلدار ارالىعىندا تەرگەگەن. كەيىن قىلمىس قۇرامىنىڭ بولماۋىنا بايلانىستى ءىس توقتاتىلدى.
2019 جىلعى 6 شىلدەدە وسى قىلمىستىق ءىس بويىنشا كۇدىكتى لاريسا پاك قايتىس بولدى.
2020 جىلعى 7 جەلتوقساندا سىبايلاس جەمقورلىققا قارسى ءىس-قيمىل اگەنتتىگى قىلمىس قۇرامىنىڭ بولماۋىنا بايلانىستى لاريسا پاك تولىق اقتالعانىن مالىمدەدى.
"وسى مۇمكىندىكتى پايدالانا وتىرىپ، سىبايلاس جەمقورلىققا قارسى ءىس-قيمىل اگەنتتىگى قازىر تاراتىلعان سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ قۇقىقتىق مۇراگەرى رەتىندە لاريسا يۋن-بويەۆنا پاكتىڭ تۋىستارىنا قايعىرىپ كوڭىل ايتادى جانە كەلتىرىلگەن زيان ءۇشىن رەسمي تۇردە كەشىرىم سۇرايدى", - دەدى انتيكور.
تەرگەۋ جالعاسۋدا. وزگە اقپارات تەرگەۋ مۇددەسىنە بايلانىستى جاريا ەتىلمەيدى.
”ادىرنا” ۇلتتىق پورتالى
پىكىرلەر