اقمولا گارنيزونىنىڭ اسكەري سوتى توتەنشە جاعدايلار جونىندەگى بۇرىنعى ءبىرىنشى ۆيتسە-مينيستر يبراگيم كۇلشىمباەۆقا قاتىستى ۇكىم شىعاردى، دەپ حابارلايدى “ادىرنا” ۇلتتىق پورتالى قر سىبايلاس جەمقورلىققا قارسى ءىس-قيمىل اگەنتتىگىنە سىلتەپ.
«ول توتەنشە جاعدايلار مينيسترلىگىنىڭ ۆەدومستۆولىق باعىنىستى مەكەمەلەرىنىڭ باسشىلىعىنا جەكە تۇرعىن ءۇي قۇرىلىسىنا اسكەري قىزمەتكەرلەر مەن ارنايى تەحنيكا تارتۋ تۋرالى زاڭسىز نۇسقاۋ بەرىپ، قىزمەتتىك وكىلەتتىگىن اسىرا پايدالانعانى ءۇشىن كىنالى دەپ تانىلدى»، - دەدى سىبايلاس جەمقورلىققا قارسى كۇرەس باسقارماسىنىڭ رەسمي وكىلى. دانيار بيعايداروۆ بريفينگتە.
سوت ونى ءومىر بويىنا مەملەكەتتىك قىزمەتتە جانە كۆازيمەملەكەتتىك سەكتوردا لاۋازىمداردى اتقارۋعا تىيىم سالىپ، بەس جىل مەرزىمگە باس بوستاندىعىنان ايىرۋعا ۇكىم ەتتى.
سوت كۇلشىمباەۆتى گەنەرال-مايور اسكەري اتاعىنان ايىرۋ تۋرالى پرەزيدەنتتىڭ اتىنا ۇسىنىس ەنگىزۋ تۋرالى شەشىم قابىلدادى.
كۇلشىمباەۆ 2023 جىلدىڭ تامىز ايىندا قىزمەتتەن ءوز ەركىمەن كەتكەن بولاتىن.
