Parmigiano Group مەيرامحانالار جەلىسىنىڭ نەگىزىن قالاۋشى، Esentai City جوباسىنىڭ اۆتورى الماس ابدىعاپپاروۆ 7 جىلعا باس بوستاندىعىنان ايىرىلدى، دەپ جازادى "ادىرنا" ۇلتتىق پورتالى.
مەدەۋ اۋداندىق №2 سوتىندا بەلگىلى كاسىپكەر الماس ابدىعاپپاروۆقا قاتىستى سوت ۇكىمى شىقتى. ول Esentai City ەليتالىق تۇرعىن ءۇي كەشەنىندەگى ءتورت ۆيللانى ساتىپ الۋشىنىڭ 1 ميلليون دوللارىن جىمقىردى دەپ ايىپتالدى (سالۋشى – «AV-Construction» جشس).
"الماس التايۇلى ابدىعاپپاروۆتى قر قك 189-بابى 4 - بولىگى 2-تارماعى (اسا ءىرى مولشەردە سەنىپ تاپسىرىلعان بوتەن مۇلىكتى يەمدەنۋ نەمەسە ىسىراپ ەتۋ) بويىنشا كىنالى دەپ تانىلسىن جانە وعان ورتاشا قاۋىپسىز قىلمىستىق-اتقارۋ جۇيەسى مەكەمەسىندە جازاسىن وتەي وتىرىپ، جەتى جىل باس بوستاندىعىنان ايىرۋ تۇرىندەگى جازا تاعايىندالسىن", - دەپ ۇكىم شىعاردى سۋديا تۇرسىنحان ساليكوۆ.
سونداي-اق، سوت جابىرلەنۋشىلەردىڭ تالاپ ارىزىن تولىق كولەمدە قاناعاتتاندىرىپ، ابدىعاپپاروۆتان 418 ملن تەڭگە ءوندىرىپ الدى.
"ادىرنا" ۇلتتىق پورتالى