"ميرزيەيوۆ ۇلكەن قاتەلىك جىبەردى، وزبەكباسىنىڭ قولى قانعا مالىندى" - وڭعار قابدەن

9764
Adyrna.kz Telegram

وزبەكباسى شاۆكات ميرزيەيوۆ الا شاپاندى اعايىننىڭ باعىنا تۋعان ەر دەپ سانايتىندار كوپ ەدى. ءوزىن ورتا ازيادا دەموكرات پرەزيدەنت رەتىندە دە كورسەتۋگە تىرىساتىن.

بىراق، ءوزىنىڭ تاقتا وتىرۋ مەرزىمىن ۇزارتىپ، بۇل دا ورتا ازياعا ءتان "سارا جولدان" اينىمادى. كونستيتۋتسياعا ەنگىزگەن وزگەرىستى بۇركەمەلەۋ ءۇشىن ءپۋتيننىڭ ءادىسىن قولداندى. ءپۋتيننىڭ ءادىسى دەگەنىمىز ساياسي ۇپايىن كوتەرۋ ءۇشىن باسقا ەلدى باسىپ الۋ.

ءسويتىپ مەملەكەتتىڭ جەرىن كەڭەيتتىم دەگەن پروپاگاندانى حالىقتىڭ ميىنا ءسىڭىرۋ. سول ءۇشىن قاراقالپاقستاندى وزبەكستانعا قوسۋ ارقىلى تاۋەلسىزدىگىن جويماقشى بولدى. كىم تاۋەلسىزدىگىنەن وڭاي ايىرىلا قويسىن؟ قاراقالپاقتار كونبەدى. اقىرىپ تەڭدىك سۇراپ الاڭعا شىقتى. اياعىندا قان توگىلدى. وزبەكباسىنىڭ قولى قانعا مالىندى. تۇركى بالاسىنىڭ باسىن قوسۋدىڭ ورنىنا اراسىنا سىنا قاعىپ، جىك سالدى. ەكى ەلدىڭ ىشىنە سىزات ءتۇستى.

جالپى، ميرزيەيوۆ ۇلكەن قاتەلىك جىبەردى. قاراقالپاقستان وزبەكستاننان بولىنەمىز، تاۋەلسىزدىك الامىز دەپ شۋلاتقان ەمەس. وسى كۇندەرىنە شۇكىر ايتىپ، تىنىش وتىرعان ەل ەدى. ەندى، تاۋەلسىزدىككە ۇمتىلۋلارى مۇمكىن. شاۆكات اكا تىنىش وتىرعان ەل ىشىنە دۇربەلەڭ اكەلدى. باس جارىلسا بورىك ىشىندە قالاتىن ەدى. بۇل جەردە قان توگىلدى! حالىقتىڭ قانى.

ۆيدەودا ەرەۋىلدەن كەيىنگى الاڭدى جۋىپ جاتقان ءورت سوندىرگىش تەحنيكا:

 

وڭعار قابدەن،

"ادىرنا" ۇلتتىق پورتالى 

پىكىرلەر