قازاقستان-وزبەكستان شەكاراسىنداعى وتكىزۋ پۋنكتتەرى ۋاقىتشا جابىلدى. بۇل تۋرالى ۇقك شەكارا قىزمەتى مالىمدەدى، دەپ حابارلايدى «ادىرنا» ءتىلشىسى.
«2022 جىلعى 1 شىلدەدەن باستاپ وزبەك ارىپتەستەرىنەن كەلىپ تۇسكەن اقپاراتقا سايكەس، اقپاراتتىق جۇيەنىڭ ىستەن شىعۋىنا بايلانىستى وزبەكستان مەن قازاقستان اراسىنداعى «داۋت-اتا» - «تاجەن» (اۆتوموبيلدىك) وتكىزۋ پۋنكتىندە ادامداردى، كولىك قۇرالدارى مەن جۇكتەردى وتكىزۋ ۋاقىتشا توقتاتىلدى. وسى اقپارات بويىنشا «كاراكالپاكيا» – «بەينەۋ» باعىتىندا تەمىرجول قاتىناسى توقتاتىلا تۇرۋى مۇمكىن. وزبەك تاراپى وتكىزۋ پۋنكتتەرىنىڭ جۇمىسىن قايتا باستاعانى تۋرالى قوسىمشا حابارلايتىن بولامىز»،– دەپ ءتۇسىندىردى ۆەدومستۆو.