تانىمال پروديۋسەر نۇرتاس ادامباي قاسىم-جومارت توقاەۆتان قازاقستاندا ءالى پروكاتقا شىقپاعان "بازز لايتەر" ءمۋلتفيلمىن كورسەتۋگە تىيىم سالۋدى سۇرادى، دەپ جازادى "ادىرنا" ۇلتىق پورتالى.
نۇرتاس ادامباي اتالمىش مۋلتفيلمدە لگبت قاتىناستارى ناسيحاتتالادى دەپ كوپشىلىك الدىندا مالىمدەمە جاسادى. ونىڭ پىكىرىنشە، كورسەتىلىمگە تىيىم سالۋ ارقىلى بالالاردى ءبىر جىنىستى قاتىناستاردان قورعاۋعا بولادى.
"وسىنداي فيلمدەر مەن مۋلتفيلمدەردى كورسەتۋگە تىيىم سالۋ ەلىمىزدىڭ ۇلتتىق قاۋىپسىزدىگىنىڭ ۇلكەن ماسەلەسى دەپ ايتساق بولادى. وسىنداي مۋلتفيلمدەردى كورسەتۋگە تىيىم سالىپ، ۇلگى بولىپ وتىرعان 14 ەل سياقتى، ءبىزدىڭ مەملەكەتىمىز وزىمىزگە جات قۇندىلىقتاردى بالالارىمىزعا ناسيحاتتاۋعا قارسىلىعىن ءبىلدىرىپ،تىيىم سالۋ كەرەك. ءبىز بالالارىمىزدى ءالى قالىپتاسپاعان سانا-سەزىمىنە سىرتقى كۇشتەردىڭ قولسۇعۋشىلىعىنان ساقتاۋىمىز كەرەك. ءبىز جاس كورەرمەن بالالارىمىز نە كورىپ، نە كورمەيتىنىنە بايلانىستى جاۋاپكەرشىلىكتى موينىمىزعا الۋىمىز كەرەك. ەلىمىزدە سوعان تىيىم سالاتىن زاڭ كەرەك", - دەپ جازدى پروديۋسەر ءوزىنىڭ ينستاگرام پاراقشاسىندا.
"ادىرنا" ۇلتتىق پورتالى
